23.08.2021 | 10:00

Саха сирин национальнай тэриллиилэрэ судаарыстыбаннай былаах Күнүн бэлиэтээтилэр

Саха сирин национальнай тэриллиилэрэ судаарыстыбаннай былаах Күнүн бэлиэтээтилэр
Ааптар: Киин Куорат
Бөлөххө киир

Судаарыстыбаннай былаах Күнэ – көҥүл уонна гражданскай эйэ бырааһынньыга. А.Е. Кулаковскай-Өксөкүлээх Өлөксөй  аатынан норуоттар доҕордоһууларын Дьиэтэ ити күҥҥэ «Народный плов» аахсыйаны ыытта. Ол туһунан норуоттар доҕордоһууларын Дьиэтин пресс-сулууспата иһитиннэрдэ.
Плов – элбэх омук олорор дойдутун сүрүн бүлүүдэлэриттэн биирдэстэрэ. Кини 2016 сыллаахха ЮНЕСКО материальнайа суох култуурунай нэһилиэстибэтинэн билиниллибитэ. 
Саха сиригэр баар Кыргызтар конгресстара уонна таджиктар Холбоһуктара мустубут дьону минньигэс пловынан  күндүлээтилэр. Ити бүлүүдэ ыалдьытымсах буолуу эрэ буолбакка, өссө аһымал уонна бэйэ-бэйэҕэ көмөлөһүү бэлиэтэ. Ити аһынан былыр-былыргыттан айанньыттары уонна көмөҕө наадыйар дьону күндүлүүллэр. Бу бэлиэ күн астаммыт бүлүүдэлэр куорат социальнай остолобуойугар бэриллибиттэр. 
Аахсыйа кыттыылаахтарын уонна ыалдьыттарын тас сибээстэргэ уонна Саха сирин норуоттарын дьыалаларыгар миниистирэ Гаврил Кириллин, өрөспүүбүлүкэ норуоттарын Ыччатын  Ассамблеятын бэрэссэдээтэлэ Нурудин Нурудинов бырааһынньыгынан эҕэрдэлээбиттэр. 
Арассыыйа былааҕын Күнэ – аныгы Арассыыйа саамай «эдэр» бырааһынньыга 1994 сылтан бэлиэтэнэр. Ити күн нацияны сомоҕолуур, норуот санаатын тиэрдэр, уруккуну, билиҥҥини уонна инникини ситимниир.

Сонуннар

Ордук ааҕаллар

Кинилэр биһиги туспутугар — биһиги кинилэр тустарыгар!
Сонуннар | 24.05.2023 | 14:27
Кинилэр биһиги туспутугар — биһиги кинилэр тустарыгар!
Анал байыаннай дьайыыга сылдьар, дойдуларыгар этэҥҥэ төннөн кэлбит хоһуун уолаттарбытыгар өрөспүүбүлүкэ салалтата, биир дойдулаахтара, Арассыыйа араас куораттарыгар олорор волонтер хамсааһыннар олус күүскэ өйөбүл буолалларын, көмөлөһөллөрүн бука бары истэ, билэ, ааҕа олоробут. Бу соторутааҕыта эрэ тыылга сылдьар уолаттар, эр дьон сөмөлүөтүнэн Ньукуолуну баттаһа дойдуларын кустарын кэһии гынан ыыттылар.  Чахчы да, киһи...
Аан дойдуга урут  суох энциклопедия тахсан эрэр
Сонуннар | 25.05.2023 | 14:00
Аан дойдуга урут суох энциклопедия тахсан эрэр
М.К. Аммосов аатынан Хотугулуу-Илиҥҥи федеральнай университет иһинэн үлэлиир Олоҥхо института “Олоҥхо энциклопедиятын” бастакы туомун бэлэмнээн эрэр.
Кыайыы пааркатыгар 3500 хатыҥ уонна кедр олордуллуоҕа
Сонуннар | 25.05.2023 | 17:22
Кыайыы пааркатыгар 3500 хатыҥ уонна кедр олордуллуоҕа
Сарсын, ыам ыйын 26 күнүгэр, Кыайыы пааркатыгар «Өйдөбүнньүк саада» диэн  аахсыйа чэрчитинэн 3500 хатыҥ уонна кедр мас олордуллуоҕа.  «Өйдөбүнньүк саада» норуоттар икки ардыларынааҕы аахсыйа Арассыыйа Бэрэсидьиэнин 03.07.2020 сыл № Пр-1069 сорудаҕынан кулун тутар 18 күнүттэн бэс ыйын 22 күнүгэр диэри дойду бары регионнарыгар Аҕа дойду Улуу сэриитин кыттыылаахтарын сырдык ааттарыгар...
Спортсменнар 17-с кыбаарталы хомуйдулар
Сонуннар | 25.05.2023 | 18:03
Спортсменнар 17-с кыбаарталы хомуйдулар
Олохтоох дьаһалта Физическэй култуураҕа уонна спорка управлениетын салалтатынан куорат бары оҕо спорт оскуолаларын кэлэктииптэрэ бүгүн, ыам ыйын 25 күнүгэр, Строительнай уокурук 17-с кыбаарталыгар субуотунньуктаатылар. Барыта сүүсчэкэ киһи мустан, 320 куул бөҕү хомуйбуттар. Управление начаалынньыга Эдуард Ефимов бэлиэтииринэн, олохтоохтор даҕаны туора турбатахтар.