03.12.2021 | 18:02

«Саха сирин бриллианнара» күрэх кыайыылаахтара ааттаннылар

«Саха сирин бриллианнара» күрэх кыайыылаахтара ааттаннылар
Ааптар: Киин Куорат
Бөлөххө киир

Ахсынньы 2 күнүгэр «Кыһын Саха сириттэн саҕаланар» бэстибээл чэрчитинэн ыытыллыбыт «Саха сирин бриллианнара» муус уонна хаар оҥоһуктар VI-с Аһаҕас куораттааҕы куонкурустара түмүктэннэ. Күрэҕи сыл ахсын олохтоох дьаһалта култуураҕа уонна духуобунай сайдыыга Управлениета тэрийэн ыытар.  Бу туһунан Уокуруктааҕы дьаһалта пресс-сулууспата иһитиннэрдэ.
Кыайыылаахтарга наҕараадалары туттарар үөрүүлээх тэрээһиҥҥэ куорат баһылыгын солбуйааччы Антон Алексеенко, олохтоох дьаһалта култуураҕа уонна духуобунай сайдыыга Управлениетын начаалынньыга Индира Ли, Дьокуускай куораттааҕы Дуума бэрэссэдээтэлин бастакы солбуйааччы Евдокия Евсикова, СӨ «Ил Түмэн» Судаарыстыбаннай мунньаҕын норуодунай дьокутаата Мария Христофорова, жюри бэрэссэдээтэлэ, муус оҥоһуктарга норуоттар икки ардыларынааҕы күрэхтэр хас да төгүллээх кыайыылаахтара Егор Степанов кытыннылар.
Антон Алексеенко эҕэрдэ тылыгар бэлиэтээбитинэн, сылын аайы ыытыллар «Кыһын Саха сириттэн саҕаланар» бэстибээл кырыа кыһыҥҥа, ирбэт тоҥҥо, Сибиир тымныытыгар уонна хотугу ыалдьытымсах буолууга анаммыт региоҥҥа туризм биир кэрэхсэбиллээх тэрээһинэ буолар. 
«Скульптордар үрдүк таһымнаах айар маастарыстыбаларын бэлиэтиэхпин баҕарабын. Бэстибээл чэрчитинэн муус уонна хаар оҥоһуктар таһырдьа оҥоһуллаллар, онон «Саха сирин бриллианнара» күрэҕи экстремальнай тэрээһиннэртэн биирдэстэрэ диэххэ сөп», – диэн бэлиэтээтэ  баһылык солбуйааччыта.
Дьокуускай куораттааҕы Дуума бэрэссэдээтэлин бастакы солбуйааччы Евдокия Евсикова быйылгы күрэх тиэмэтигэр тохтоото. 
«Бу дьикти, кэрэ оҥоһуктар, композициялар Саха АССР төрүттэммитэ 100 сылыгар уонна саха киинэтин Аан дойдутааҕы ситиһиитигэр анаммыттара наһаа үчүгэй», – диэтэ  Евдокия Евсикова.
СӨ «Ил Түмэн» Судаарыстыбаннай мунньаҕын норуодунай дьокутаата Мария Христофорова сылтан сыл күрэх кыттааччыларын маастарыстыбалара чочуллан, сайдан иһэллэригэр болҕомтотун уурда. 
Олохтоох дьаһалта култуураҕа уонна духуобунай сайдыыга Управлениетын начаалынньыга Индира Ли тымныыны, ыарахаттары аахсыбакка кыттааччылар кыайыыга дьулуһан, Муус пааркатын территориятыгар уонна  Орджоникидзе болуоссатыгар илиилэринэн кэрэни оҥорон таһаарбыттарын бэлиэтээтэ. 
Алта күннээх күрэх марафонун түмүгүнэн муус скульптураларга кыайыылааҕынан «Пираты Карибского моря. Капитан Джек Воробей» композициялаах Николай Петров (Үөһээ Бүлүү улууһа) уонна Дмитрий Максимов (Ньурба улууһа) хамаандалара таҕыста. II-с миэстэ «Кинг Конг» композициялаах уоллуу аҕа Анатолий уонна Василий Аргуновтарга тигистэ (Нам улууһа). III-с миэстэҕэ – «Аватар» композициялаах Роман Шадрин уонна Николай Колодезников хамаандалара (Дьокуускай куорат). 
«Саҥа дьыллааҕы Дьокуускай» блиц-турнирга «Саҥа дьылынан! Төрөөбүт күҥҥүнэн, Дьокуускай!» композициянан бастакы миэстэҕэ Николай Петров (Үөһээ Бүлүү улууһа) уонна Дмитрий Максимов (Ньурба улууһа) хамаандалара таҕыста. II-с миэстэҕэ – «Острог» үлэлээх Анатолий уонна Василий Аргуновтар хамаандалара (Нам улууһа), III-кэ – «Рождественская звезда» композициялаах Роман Шадрин, Николай Колодезников (Дьокуускай куорат).
Хаар скульптуралар күрэхтэригэр кыайыылаҕынан «Сырдык олох» үлэлээх Василий Назаров уонна Василий Лопатин хамаандалара таҕыста (Таатта улууһа). II-с миэстэҕэ – «Саха Саарыннара» композициялаах Валерий Стручков уонна Василий Васильев хамаандалара (Дьокуускай куорат). III-кэ –«Тепло Северного края» үлэлээх Василий Аргунов (Нам улууһа), Алан Павлов (Таатта улууһа) уонна Василий Николаев (Ньурба улууһа) хамаандалара.
Тэрийээччилэр «Саха сирин бриллианнара» күрэх спонсордарыгар – «Макита» ХЭТ Саха сиринээҕи менеджэригэр Евгений Архиповка, «Мир инструментов» атыы дьиэтин бас билээччитигэр Владимир Мамаевка, СӨ норуодунай худуоһунньугар Федор Марковка, «Северное сияние» Муус паарката ХЭТ дириэктэригэр Алексей Демьяновка уонна  жюри бэрэссэдээтэлэ Егор Степановка махталларын тиэрдэллэр.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...