«Саха сирин бриллианнара» күрэх Дьокуускайга алтыс төгүлүн ыытыллар

Сэтинньи 28 күнүттэн ахсынньы 2 күнүгэр диэри «Северное сияние» муус пааркатыгар «Кыһын Саха сириттэн саҕаланар» бэстибээл чэрчитинэн «Саха сирин бриллианнара» муус уонна хаар оҥоһуктар VI-с Аһаҕас куораттааҕы куонкурустара ыытыллар. 
Куонкурус икки номинациялаах: муус уонна хаар скульптуралар.
Муус оҥоһуктар тиэмэлэрэ Аан дойдутааҕы киинэҕэ анаммыт, оттон хаартан үлэлэр – Саха АССР тэриллибитэ 100 сылыгар.  
Муус оҥоһуктар күрэхтэрэ сэтинньи 28-30 күннэригэр ыытылынна, хаар скульптуралар – сэтинньи 30 күнүттэн ахсынньы 2 күнүгэр диэри.  
Кыайыылаахтары, призердары, номинацияҕа тиксибиттэри үөрүүлээх быһыыга-майгыга наҕараадалааһын ахсынньы 2 күнүгэр 19:00 ч. «Северное Сияние» муус пааркатыгар буолуоҕа. 
«Саха сирин бриллианнара» күрэх сыала – үгэстэри сайыннарыы, муус уонна хаар оҥоһуктар маастардарын айымньыларын тарҕатыы уонна чочуйуу, Дьокуускай куорат олохтоохторун, ыалдьыттарын уонна ыаллар култуурунай сынньалаҥнарын тэрийии. 
Куонкурус кыттааччыларынан идэтийбит худуоһунньуктар, скульптордар, анал үөрэҕэ суох худуоһунньуктар, маастардар, үөрэх кыһаларын устудьуоннара уонна преподавателлэрэ буоллулар.
Тэрийээччилэр – олохтоох дьаһалта култуураҕа уонна духуобунай сайдыыга Управлениета уонна  «Северное сияние» паарка ХЭТ. 
Куонкурус спонсордара: «Мир инструмента» атыы дьиэтэ (дириэктэр Мамаев Владимир Вольдемарович) уонна «Макита» ХЭТ филиала (Артем к., Приморскай кыраай, Уһук Илиҥҥи регионнааҕы бэрэстэбиитэл Ткаченко Вадим Олегович).
«Кыһын Саха сириттэн саҕаланар» Бүтүн Арассыыйатааҕы бэстибээл былааннаммыт тэрээһиннэрэ сэтинньи 26 күнүттэн ахсынньы 5 күнүгэр диэри ыытыллаллар.