25.10.2021 | 15:15

Саха сирин биллиилээх спорду сырдатар суруналыыһа Иннокентий Птицын алтынньы 23 күнүгэр 67 сааһыгар ыарахан ыарыыттан биһиги кэккэбититтэн туораата.

Саха сирин биллиилээх спорду сырдатар суруналыыһа Иннокентий Птицын алтынньы 23 күнүгэр 67 сааһыгар ыарахан ыарыыттан биһиги кэккэбититтэн туораата.
Ааптар: Киин Куорат
Бөлөххө киир

Иннокентий Иннокентьевич 1954 сыл бэс ыйын 21 күнүгэр Мэҥэ-Хаҥалас оройуонун 1-кы Мэлдьэхси нэһилиэгэр төрөөбүтэ. Гражданскай ытык иэһин толорон Сэбиэскэй Армияҕа сулууспалаан, онтон тутууга биир сыл болуотунньуктаан баран, производсвтеннай гимнастика инструкторынан ананыаҕытан, олоҕун-үлэтин физкультура уонна спорт эйгэтигэр анаабыта. Өрөспүүбүлүкэ “Урожайыгар” инструктордаабыта, Эдьигээн оройуонун “Урожайын”, Дьокуускайдааҕы тыа хаһаайыстыбатын техникумугар кадрдарын физическэй иитии үлэтин ситиһиилээхтик салайбыта, Горнай улууһун Атамай орто оскуолатыгар физкультура учууталынан, өрөспүүбүлүкэ оҕолорун ситиһиилэрин музейыгар үлэлээбитэ. 


2003 сылтан өрөспүүбүлүкэ үөрэххэ Министиэристибэтигэр оҕо спордун сырдатыы пресс-сулууспатыгар тиһэх күннэригэр диэри үлэлээн кэллэ. 1999 сылтан спорка мунньуммут уопута, билиитэ-көрүүтэ, тэрийэр-көҕүлүүр үлэлэрэ, суруналыыс быһыытынан талаана-дьоҕура чаҕылхайдык арыллалларыгар улахан төһүүнэн буолбуттара. Дириҥ ис хоһоонноох, киэҥ ырытыылардаах суруйуулара, чэпчэки атлетика, сахалыы атах оонньууларын күрэхтэһиилэрин комментатор быһыытынан кэпсээн сырдатыылара улахан биһирэбилинэн туһаммыттара. Сэдэх справочниктар, кинигэлэр, буклеттар, брошюралар ааптардара. Спорт хатыламмат түгэннэрин хаартыскаҕа үйэтиппитэ. 
Россия ФКС туйгуна, СӨ үөрэҕириитин туйгуна, СӨ ФКС сайдыытыгар үтүөлэрин иһин бэлиэлээх, “Сахаада-спорт” лауреата, “Урожай” общество Бочуоттаах чилиэнэ, Иннокентий Иннокентьевич Птицын сырдык аата биһиги сүрэхпитигэр өрүү тыыннаах, умнуллубат...

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...