Саха сирин байыастара саҥа дьыллааҕы бэлэхтэри тутуохтара

«Саха сирин баһылыга уонна суһал штаба Донецкайдааҕы территориальнай тирэх пуун иннигэр итинник соругу туруордулар. Бүгүн хас даҕаны эриэйсэнэн байыастарга саҥа дьыллааҕы бэлэхтэри тиэрдэргэ бэлэмнэнэбит, ол иһигэр Айсен Сергеевичтан уонна Саха сирин  олохтоохторуттан кэлбит аккырыыккалары. Билигин табыгастаах маршруттары үөрэтэбит, тиэхиньикэни бэлэмниибит, байыастары кытта көрсөр сирбитин быһаарабыт», – диэн иһитиннэрдэ Донецкайдааҕы территориальнай тирэх пуун бэрэстэбиитэлэ.

Кини бэлиэтээбитинэн, өрөспүүбүлүкэттэн таһаҕас бу күннэргэ кэлиэхтээх.

«Уолаттар инники кирбиигэ бырааһынньыктааҕы баһыылкалары күүтэллэр, настырыанньалара бойобуой. Регион баһылыгыттан уонна биир дойдулаахтарыттан кэлбит бэлэхтэргэ үөрүөхтэрэ диэн эрэнэбин. Донецкайдааҕы территориальнай тирэх пуун байыастарын иннигэр турбут сорук туолуоҕа», – диэтэ пуун бэрэстэбиитэлэ.