Саха сирин бастыҥ учуутала 23-с оскуолаҕа үлэлиир

«Сыл бастыҥ учуутала» куонкурус түмүктүүр түһүмэҕэр өрөспүүбүлүкэ араас муннугуттан 27 учуутал кытынна. Дьокуускай куорат 23 №-дээх орто оскуолатын учуутала Анна Конова үс туур түмүгүнэн саамай элбэх баалы ылан, кыайыылаах үрдүк аатын сүктэ.   
Анна Сергеевна – 13 сыл ыстаастаах, 1-кы категориялаах учуутал. Кини оҕолору английскай уонна кытай тылыгар уһуйар. Үөрэнээччилэрэ – кытай тылыгар Бүтүн Арассыыйатааҕы олимпиада муниципальнай түһүмэҕин призердара, элбэх куонкурус кыайыылаахтара, куорат, өрөспүүбүлүкэ таһымнаах бэстибээллэргэ үгүс ситиһиилээхтэр.  
«Куонкурус учууталлар уопуттарын, сатабылларын арыйалларыгар, атыттары кытта үллэстэллэригэр уонна сайдалларыгар көмөлөһөр», — диэтэ Анна Конова.