24.06.2021 | 11:00

Саха сирин бүттүүнүгэр ыксаллаах быһыы-майгы эрэсиимэ киллэрилиннэ

Саха сирин бүттүүнүгэр ыксаллаах быһыы-майгы эрэсиимэ киллэрилиннэ
Ааптар: Киин Куорат

Саха сирин бүттүүнүгэр ыксаллаах быһыы-майгы эрэсиимэ киллэрилиннэ. Ойууру авиациянан харабыллыыр сулууспа зондировщик-сөмөлүөттэр көмөлөрүнэн ардаҕы түһэрэргэ бэлэм.
Бэс ыйын 23 күнүгэр Саха сирин баһылыга Айсен Николаев региоҥҥа ойуур баһаардарыынан сибээстээн ыксаллаах быһыы-майгы эрэсиимин киллэрэр туһунан ыйаахха илии баттаата. Ол туһунан социальнай ситим быһа эфиригэр Госкомобеспечение бэрэссэдээтэлэ Дмитрий Лепчиков иһитиннэрдэ.  
«Бүгүн өрөспүүбүлүкэ баһылыга региоҥҥа ыксаллаах быһыы-майгы эрэсиимэ киллэрэр туһунан ыйаахха илии баттаата. Итинэн сибээстээн өрөспүүбүлүкэ салайар уорганнарыгар эмиэ быһыы-майгы эрэсиимэ киирдэ», - диэтэ Дмитрий Лепчиков.


Кини бүгүҥҥү күҥҥэ ураты болҕомто бүлүү бөлөх улуустарыгар уурулларын эттэ. 
«Ньурба улууһун территориятыгар 11 679 га уопсай иэннээх сиргэ түөрт ойуур баһаара баар, онтон биирэ бохсулунна. Баһаары умуруорууга федеральнай резервэттэн уонна олохтоох нэһилиэнньэттэн 160 тахса киһи, 26 тиэхиньикэ үлэлээтэ», - диэн кэпсээтэ Госкомобеспечение бэрэссэдээтэлэ. 
Итини сэргэ Дмитрий Лепчиков Арассыыйаҕа билиҥҥи кэмҥэ ардаҕы түһэрэр араас технология баарын, ойуур хаһаайыстыбатын анал федеральнай агентствота үлэлиирин, онон зондировщик-сөмөлүөт көмөтүнэн туһаныахха сөп диэн эттэ. Ити сөмөлүөт былыттарга анал састаабы ыстардаҕына ардах түһэр эбит.  
«Ойууру авиациянан харабыллыыр сулууспа уонна айылҕа харыстабылын министиэристибэтэ ити боппуруоһу хонтуруолга ылан сылдьаллар, ити салгын суудуната Иркутскай уобаласка баазалаах. Бүгүҥҥү күҥҥэ ойуур баһаардарын үрдүнэн ардах былыта суох, былыт кэллэ да көмөҕө кэлэргэ бэлэмнэр», - диэн бэлиэтээтэ кини.

Сонуннар

Ордук ааҕаллар

Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Аар Саарынтан алгыстаммыт Күн Сандаара
Дьон | 04.12.2022 | 16:00
Аар Саарынтан алгыстаммыт Күн Сандаара
Кэлиҥҥи сылларга айылҕаттан айдарыылаах, олоххо ураты көрүүлээх, тарбахтарыгар талааннаах, илиилэринэн илбийэн эмтиир сахалыы эмчиттэри хаһыаппытыгар үгүстүк сырдатан кэллибит. Бүгүн мин биир дойдулаахпын, алгысчыт, сахалыы эмчит Саргылаана Винокурова-Күн Сандаараны билиһиннэриэхпин баҕарабын.  Күн Сандаара Нам улууһун Салбаҥ нэһилиэгиттэн төрүттээх. Ол гынан баран өр сылларга Сунтаарга олорбут буолан, Сунтаарын ордук чугастык саныыр.   Кулгаахпар...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Рево Алексеев:  «Саха киһитэ ыра сатыа суохтаах!»
Дьон | 08.12.2022 | 09:00
Рево Алексеев: «Саха киһитэ ыра сатыа суохтаах!»
Орто саастаах дьон үлэттэн сылайдаҕына, хаһан биэнсийэҕэ тахсабыт диэн өрө тыыналлар. Оттон бүгүҥҥү ыалдьыппыт Рево Захарович Алексеев 85 хаарыгар үктэнэн да баран күн бүгүҥҥэ диэри мууһура үлүйбүт киһини быыһыырга олоҕун анаабыт үлэтигэр — Дьокуускайдааҕы научнай-чинчийэр кииҥҥэ түбүгүрэ сылдьар. Бэйэтин сааһыгар лаппа эдэрчи көрүҥнээх, саастаах киһи диэтэххэ, үчүгэйдик көрөр-истэр, сорох кырдьаҕас...