10.12.2021 | 14:00

Саха сирин 373 эдэр ыала дьиэ атыылаһарга көмөнү ыллылар

Саха сирин 373 эдэр ыала дьиэ атыылаһарга көмөнү ыллылар
Ааптар: Киин Куорат
Бөлөххө киир

Судаарыстыбаннай өйөбүл олорор дьиэ усулуобуйаларын тупсарыыга туһаайыллыбыт социальнай төлөбүрдэринэн өрөспүүбүлүкэ 373 эдэр ыала туһаммыт. Бу туһунан баһылык уонна регион бырабыыталыстыбатын пресс-сулууспата иһитиннэрдэ. 
Эдэр ыал социальнай төлөбүрдэри кыбартыыра атыылаһарга, дьиэ туттарга уонна ипотеканан кыбартыыра атыылаһарга бастакы усунуос быһыытынан туттуохтарын сөп. 
2021 сылга эдэр ыаллары дьиэнэн хааччыйар федеральнай судаарыстыбаннай бырыгыраама чэрчитинэн федеральнай, региональнай уонна олохтоох бүддьүөттэн барыта 357 мөл. солкуобай көрүллүбүт.
Ити сыалга Саха сирэ 2022 сылга федеральнай бүддьүөттэн 216 мөл. солкуобайы ылыахтаах, ити суумаҕа регион 13,8 мөл. солкуобайы, оттон муниципальнай тэриллиилэр 200 мөл. солкуобайы эбиэхтэрэ.
Кэлэр сылга олорор дьиэ усулуобуйатын тупсарарга социальнай төлөбүрдэри өрөспүүбүлүкэ 35 оройуоннарын 441 эдэр ыала ылыаҕа.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...