01.12.2023 | 15:00

Саха сирин 2024 сыллааҕы бүддьүөтүн сокуона ылылынна

Ил Түмэн мунньаҕар, тиһэх иккис ааҕыыга, Саха Өрөспүүбүлүкэтин 2024 уонна былааннаммыт 2025-2026 сыллардааҕы судаарыстыбаннай бүддьүөтүн туһунан сокуона ылылынна.
Саха сирин 2024 сыллааҕы бүддьүөтүн сокуона ылылынна
Ааптар: Киин Куорат
Бөлөххө киир

Сокуон барылын иккис ааҕыыга бэлэмнэнии чэрчитинэн, өрөспүүбүлүкэ бырабыыталыстыбата дьокутааттары кытта 600-тэн тахса көннөрүүлэри көрдө.

Өрөспүүбүлүкэ 2024 сыллааҕы судаарыстыбаннай бүддьүөтүн дохуоттаах чааһа, көннөрүүлэри учуоттаан туран, 19,7 млрд солкуобайынан эбилиннэ уонна 302,6 млрд солкуобайга тэҥнэстэ. Бүддьүөт нолуоктаах уонна нолуога суох дохуотунан, сабаҕалааһын 7,2 млрд солкуобайынан үрдэтилиннэ уонна  190,6 млрд солкуобайга тэҥнэстэ, ол иһигэр нолуок дохуота 6,7 млрд солкуобайынан эбилиннэ уонна 175,8 млрд солкуобай буолла.

2024 сылга 111,9 млрд солкуобайдаах төлөбүрэ суох үп киириитэ былааннанар. Судаарыстыбаннай бүддьүөт эһиилги ороскуота – 311,8 млрд солкуобай.

Бүддьүөккэ улахан болҕомто тыа сиригэр уурулунна. Ол курдук, Ил Дархан Айсен Николаев сорудаҕынан тыа хаһаастыбатын салаатыгар ороскуот ыстатыйата 500 мөл солкуобайынан эбилиннэ. Ити быһаарыыны өрөспүүбүлүкэ норуодунай дьокутааттара өйөөтүлэр. Ол түмүгэр, 2024 сыл тохсунньу 1 күнүттэн үүт субсидията биир киилэҕэ 60 солкуобайтан 65-кэ диэри улаатар.

Итини сэргэ, кэтэх хаһаайыстыбалаах гражданнар ийэ сүөһү иитиитигэр ороскуоттарын толуйуу суумата биир төбөҕө сылга 37 тыһыынчаттан 39 тыһыынча солкуобайга диэри улаатта,  арктическай оройуоннарга – сылга 45 тыһыынча солкуобайга тиийэ.  Итини таһынан, саха ынаҕын, табаны иитииттэн, балыктааһынтан саҕалаан тыа хаһаайыстыбатын оҥорон таһаарар тэрилтэлэрин финансовай чэбдигирдиигэ тиийэ араас хайысхалаах үбүлээһин көрүллүөҕэ.  Тыа хаһаайыстыбатын сайыннарыыга 2024 сылга барыта 14 млрд 933 мөл солкуобай көрүлүннэ.

Итиэннэ дьокутааттар, Ил Дархан көҕүлээһининэн, «Өрөспүүбүлүкэтээҕи «Дьиэ кэргэн» ийэ хапытаалын туһунан СӨ Сокуонугар уларытыылары киллэрии» сокуон бырайыага ылылынна.

Тохсунньу 1 күнүттэн өрөспүүбүлүкэтээҕи ийэ хапытаала 300 000 солкуобайга диэри улаатыаҕа. Икки төгүл улаатыан иннинэ төлөбүр суумата – 151 690 солкуобай. Ийэ хапытаалын сороҕун туттубут буоллахтарына, хаалбыт чааһа эмиэ икки төгүл улаатар. Ити сыалга СӨ бүддьүөтүгэр кэлэр сылга 583,6 мөл солкуобай көрүлүннэ.

Итини сэргэ, бырайыак дьиэ туттарга анаан сир учаастагын атыылаһыы дуогабарынан, хапытаал үбүн туттар хайысханы элбэтиэҕэ.

 

 

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....