Саха сиригэр ыксаллаах быһыы-майгы эрэсиимэ киирдэ

Өрөспүүбүлүкэ баһылыга Айсен Николаев атырдьах ыйын 8 күнүгэр нэһилиэнньэлээх пууннарга ойуур баһаара тиийбитинэн сибээстээн региоҥҥа  ыксаллаах быһыы-майгы эрэсиимин киллэрэр туһунан ыйаахха илии баттаабыт. 
Регионнааҕы суһал штаб биллэрбитинэн, ыксаллаах быһыы-майгы эрэсиимэ өрөспүүбүлүкэ бүддьүөтүттэн Бэс-Күөл сэлиэнньэтигэр баһаартан эмсэҕэлээбиттэргэ саҥа дьиэлэри тутууга, гражданнарга материальнай көмө оҥорууга уонна федеральнай сириэстибэлэри ыларга ирдэнэр. 
Ыксаллаах быһыыны-майгыны туоратар үлэ салайааччытынан өрөспүүбүлүкэ бырабыыталыстыбатын бэрэссэдээтэлин бастакы солбуйааччы Дмитрий Садовников анаммыт. 
Регион бырабыыталыстыбатыгар сэлиэнньэлэри чөлүгэр түһэрэргэ уонна баһаартан эмсэҕэлээбиттэргэ социальнай көмөнү оҥорорго суһал миэрэлэри ылыналларыгар сорудахтаммыт.