10.08.2021 | 10:00

Саха сиригэр тыа хаһаайыстыбатын микробиэрэпиһэ ыытыллар

Саха сиригэр тыа хаһаайыстыбатын микробиэрэпиһэ ыытыллар
Ааптар: Киин Куорат

Саха сиригэр атырдьах ыйын 1 күнүттэн тыа хаһаайыстыбатын микробиэрэпиһэ ыытылла турар. Микробиэрэпис хаамыытын кэтээн көрдөххө тэтимнээхтик баран иһэрэ бэлиэтэнэр. Атырдьах ыйын 1-3 күнүнээҕи туругунан биэрэписчиктэр 6445 кэтэх хаһаайыстыбаҕа сылдьыбыттар диэн иһитиннэрэр СӨ судаарыстыбаннай статистикаҕа федеральнай сулууспатын Территориальнай уоргана. 
Кэккэ оройуоннарга кэтэх хаһаайыстыбалары ыйытыы бырыһыана өрөспүүбүлүкэ таһымыттан үрдүк: Уус-Алдан – 16,6%, Амма – 14,7%, Таатта – 14,1%, Горнай – 12,5%, Чурапчы – 11,3%, Нам – 11,1%.
Кэтэх хаһаайыстыбалаах дьон биэрэписчиктэри эйэҕэстик көрсөрө, ыйытыктарга үөрэ-көтө хоруйдуура бэлиэтэнэр. 
Биэрэписчиктэр этэллэринэн, кэтэх хаһаайыстыбалаахтар микробиэрэпиһи интэриэһиргииллэрэ, толору информацияны биэрэ сатыыллара көстөр эбит. Өрөспүүбүлүкэ нэһилиэнньэтин 34% тыа сиригэр олорор уонна тыа хаһаайыстыбатын кытта ыкса сибээстээх, элбэх киһи онтон дохуоттанар.  
Урут иһитиннэрбиппит курдук, кэтэх хаһаайыстыбаларга биэрэпис талан ылар ньыманан барыаҕа, онно 16 муниципальнай  оройуон киирэр: Амма, Үөһээ Бүлүү, Бүлүү, Горнай, Ленскэй, Мэҥэ-Хаҥалас, Мирнэй, Нам, Ньурба, Өлүөхүмэ, Сунтаар, Таатта, Хаҥалас, Уус-Алдан, Уус-Майа, Чурапчы уонна Дьокуускай куорат уокуругугар киирсэр нэһилиэнньэлээх пууннар. 
Өрөспүүбүлүкэ үрдүнэн барыта микробиэрэпиһинэн 61345 кэтэх хаһаайыстыбалаахтар уонна 314 коммерческайа суох гражданнар холбоһуктара хабыллыахтара. 544 тыа хаһаайыстыбатын тэрилтэлэрэ, 3222 бааһынай (фермерскэй) хаһаайыстыбалар уонна предпринимателлэр былааҥкалары бэйэлэрэ толоруохтара. 
Микробиэрэпис – 2026 сылга ыытыллар Бүтүн арассыыйатааҕы  тыа хаһаайыстыбатын  биэрэпиһигэр бэлэмнэнии. 
Барыллаан түмүк 2021 сыл IV кыбартаалыгар, оттон түмүк – 2021 сыл кыбартаалыгар тахсыахтара.

Сонуннар

Ордук ааҕаллар

Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Баһаарга үлэлээбит волонтердар доруобуйаларын бэрэбиэркэлии медиктэр кэллилэр
Сонуннар | 14.09.2021 | 16:50
Баһаарга үлэлээбит волонтердар доруобуйаларын бэрэбиэркэлии медиктэр кэллилэр
Балаҕан ыйын 14 күнүгэр Дьокуускайга Федеральнай медико-биологическай агентство биригээдэтэ кэллэ. Медиктэр баһаары умуруорууга кыттыбыт волонтердар доруобуйаларын туругун көрүөхтэрэ. Федеральнай Сибиирдээҕи научнай-клиническэй киин генеральнай дириэктэрэ Борис Баранкин СӨ премьера Андрей Тарасенколыын көрүстэ. СӨ доруобуйа харыстабылыгар Министиэристибэтэ иһитиннэрбитинэн, сэрэтэр хайысхалаах медицинскэй көрүү испииһэгэр өрөспүүбүлүкэ 500-тэн тахса олохтооҕо киирбит.  Бу иннинэ өрөспүүбүлүкэ бырабыыталыстыбата...
Дьокуускайга үөрэҕирии үлэһиттэрин балаҕан ыйынааҕы мунньахтара ыытыллар
Сонуннар | 15.09.2021 | 18:00
Дьокуускайга үөрэҕирии үлэһиттэрин балаҕан ыйынааҕы мунньахтара ыытыллар
Балаҕан ыйын 14 күнүттэн Дьокуускайга «Актуальные вопросы достижения стратегической цели повышение качества образования» диэн тиэмэнэн үөрэҕирии үлэһиттэрин балаҕан ыйынааҕы мунньахтара ыытыллар. Ол туһунан Уокуруктааҕы дьаһалта пресс-сулууспата иһитиннэрдэ.  Быйылгы мунньах дьүүллэһиитигэр Дьокуускай куоракка үөрэҕирии хаачыстыбатын үрдэтэр сыаллаах түөрт хайысха көрүллэр: иитии уонна эбии үөрэхтээһин боппуруостара; муниципальнай уонна  үөрэҕирии тэрилтэтин таһымнарыгар үөрэҕирии...
Гаас ситимнэригэр саҥа быраабыланан холбуохтара
Сонуннар | 17.09.2021 | 14:00
Гаас ситимнэригэр саҥа быраабыланан холбуохтара
Социальнай газификация уратыларын учуоттаан, Арассыыйаҕа гаас ситимнэригэр холбонорго саҥа быраабылалар олоххо киирэллэр. Ити уонна да атын кэккэ докумуоннары, бэрэсидьиэн көҕүлээбит бырагыраамаларын олоххо киллэрэр курдук,  бырабыыталыстыба бэрэссэдээтэлэ Михаил Мишустин бигэргэппит.  Быраабылаҕа этиллибитинэн, гааһы тарҕатар инфраструктура баар эрэ нэһилиэнньэлээх пууннарыгар гаас киириэн сөп уонна уонна дьиэ кэргэн тус сыалларыгар эрэ холбонор. Кэмиэрсиэйэ...