Саха сиригэр суолга куттал суох буолуутун нэдиэлэтэ саҕаланна

Саха сиринээҕи госавтоинспекция балаҕан ыйын 20-24 күннэригэр оскуолаларга суолга куттал суох буолуутун нэдиэлэтин саҕалаан, оҕолор ортолоругар эчэйии намтыыырын курдук тэрээһиннэри ыытар. Ол туһунан регионнааҕы ГИБДД Управлениетын пресс-сулууспата иһитиннэрдэ.
Иниспиэктэрдэр суолга куттал суох буолуутун хааччыйар сыаллаах төрөппүттэри кытта мунньахтары, оҕолорго анаан уруоктары, куонкурустары, флешмобтары, оҕолору уонна төрөппүттэри кытта аахсыйалары ыытары бэлэмнииллэр. 
Ити курдук, балаҕан ыйын 21 күнүгэр оскуола үөрэнээччилэригэр, педагогтарга уонна төрөппүттэргэ аналлаах «Суолга куттал суох буолуутун биир кэлим күнэ» тэриллэр, оттон балаҕан ыйын 21 күнүгэр – оҕо суолга эчэйиитин таһаарбат курдук Бүтүн Арассыыйатааҕы төрөппүттэргэ аналлаах үөрэх ыытыллыаҕа.