27.05.2022 | 13:00

Саха сиригэр социальнай хантыраагы 5 тыһыынчаттан тахса дьиэ кэргэн ылыаҕа

Саха сиригэр социальнай хантыраагы 5 тыһыынчаттан тахса дьиэ кэргэн ылыаҕа
Ааптар: Киин Куорат
Бөлөххө киир

Быйыл өрөспүүбүлүкэҕэ социальнай хантыраагы 5 тыһыынчаттан тахса кыһалҕалаах, кыаммат дьиэ кэргэттэр ылыахтара диэн иһитиннэрдэ Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата.
Сириэстибэни бэйэ дьыалатын арыйыыга, үлэ көрдөнөргө, кэтэх хаһаайыстыбаны тэринэргэ туттуохха сөп. Ити информацияны  Андрей Тарасенко бэрэссэдээтэллээх улуус баһылыктарын мунньаҕар үлэ уонна социальнай сайдыы миниистирэ Елена Волкова иһитиннэрдэ. 
«Социальнай хантыраакка олоҕурбут судаарыстыбаннай социальнай көмө олох уустук балаһыанньатыгар сылдьар дьиэ кэргэттэр дьарыктаах буолууларыгар, дьиэ кэргэн дохуота үрдүүрүгэр туһуланар. Сүрүн сыала – кыаммат ыаллары социальнай харалта уорганнарын, дьарыктаах буолуу киинин,  предпринимательство, тыа хаһаайыстыбатын эйгэлэрин көмөлөрүнэн, көхтөөх хамсааһыҥҥа көҕүлээн, ыарахан балаһыанньаттан таһаарыы», – диэн бэлиэтээтэ миниистир. 
Социальнай хантыраак чэрчитинэн профессиональнай үөрэҕи эбэтэр хос атын хайысханан үөрэнээһини төлүөххэ сөп, үлэ көрдөнөр бастакы үс ыйга көмө оҥоһуллар. Ол курдук, 2021 сылга 188 киһи үлэҕэ киирдэ, 100 киһи профессиональнай үөрэхтээһини ааста. 
Быйылгыттан көмө саҥа хайысхата баар буолла – 2022 сыл кулун тутар 1 күнүттэн саҕалаан үлэлэрин сүтэрбит гражданнары өйүүр анал бырагыраама. 
Итини иннинэ Ил Дархан Айсен Николаев социальнай хантыраакка олоҕурбут судаарыстыбаннай социальнай көмө кээмэйин улаатыннарарга сорудахтаабыта. Билигин предпринимательствонан дьарыктаныан баҕалаах дьоҥҥо 300 тыһыынча солкуобай, оттон кэтэх хаһаайыстыбаҕа – 250 тыһыынча солкуобай көрүллэр.
Санатар буоллахха, социальнай хантыраак Саха сиригэр олохтоммут муҥутаан тиийинэн олоруу алын кээмэйигэр тиийбэт дохуоттаах дьиэ кэргэҥҥэ эбэтэр соҕотох олорор киһиэхэ бэриллэр. 
2021 сылга регион олохтоохторо  5 044 социальнай хантыраагы түһэрсибиттэр, итинтэн 381 – үлэ көрдөнүүгэ, 1 419 – кэтэх хаһаайыстыбанан уонна предпринимательскай үлэнэн дьарыгырыыга, 3 244 – уустук балаһыанньаттан тахсыыга туһуламмыт араас тэрээһиннэргэ.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...