06.06.2022 | 16:00

Саха сиригэр үс ойуур баһаара баар

Саха сиригэр үс ойуур баһаара баар
Ааптар: Киин Куорат

Бэс ыйын 6 күнүн сарсыардатыгар Саха сирин территориятыгар 4 ойуур баһаара баара. Итинтэн биир Сунтаар улууһугар сарсыарда  8.00 чааска умуруорулунна. Ити курдук, өрөспүүбүлүкэҕэ  3 баһаар хаалла – Өймөкөөн, Өлүөхүмэ уонна  Ленскэй улуустарыгар диэн иһитиннэрдэ Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата.
Өлүөхүмэ улууһугар Чапаево сэлиэнньэтиттэн 8,3 км сиргэ биир баһаар баар. Уот сиэбит сирин уопсай иэнэ – 270 га. Баһаары умуорууга 32 парашютист-десантник, 24 ойуур харыстабылын үлэһитэ, 1 ЫБММ сотруднига, 3 мобилизацияламмыт киһи, 5 тиэхиньикэ үлэлииллэр. 
Сунтаар улууһун Тэҥкэ сэлиэнньэтиттэн 10,3 км сиргэ авиациянан патруллааһын кэмигэр булуллубут баһаар умуруорулунна. Баһаартан уопсайа 2,5 га иэннээх сир эмсэҕэлээтэ. Умуорууга 41 парашютист-десантник, 1 ойуур харыстабылын үлэһитэ уонна олохтоох нэһилиэнньэттэн мобилизацияламмыт 6 киһи үлэлээтэ. 
Өссө биир баһаар Сунтаар улууһун Кириэстээх сэлиэнньэтиттэн 26,9 км сиргэ умуруорулунна.
Ленскэй уонна Өймөкөөн улуустарыгар хонтуруол зонатыгар баһаардар бааллар, уот 92 га иэннээх сири барда. Баһаары умуорууга «Авиалесоохрана» 57 парашютист-десантнига үлэлиир.
Сарсыардааҥҥы брифиҥҥэ экология, айылҕа баайын туһаныы уонна ойуур хаһаайыстыбатын миниистирин солбуйааччы Андрей Коноплев иһитиннэрбитинэн, баһаартан сэрэхтээх буолуу сезона саҕаланыаҕыттан Саха сиригэр 546 га иэннээх сиргэ 22 ойуур баһаара регистрацияланна. Былырыын бу кэмҥэ 99,353 га иэннээх сиргэ 152 ойуур баһаара баар эбит.
«Бүгүҥҥү күҥҥэ өрөспүүбүлүкэ территориятын улахан аҥаарыгар үрдүк кылаастаах баһаар куттала бэлиэтэнэр. Итинэн сибээстээн гражданнары ойуурга уоту кытта сэрэхтээх буолалларыгар ыҥырабын», - диэтэ Андрей Коноплев.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...