Саха сиригэр QR-кодтар киирэллэр
![Саха сиригэр QR-кодтар киирэллэр](https://kiinkuorat.ru/wp-content/uploads/2021/10/O5cVe96jBk.jpg)
Саха сиригэр сокуоннай саастарын сиппит гражданнар култуура, спорт уонна уопсастыбаннай аһылык тэрилтэлэригэр киирэллэригэр QR-код ирдэнэр буолар. Бүгүн, алтынньы 15 күнүгэр, туһааннаах ыйаахха Айсен Николаев илии баттаата. Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрдэ.
Ыйаахха олоҕуран, QR-код систиэмэтэ 2021 сыл алтынньы 20 күнүттэн култуура тэрилтэлэригэр – театрдарга, музейдарга, култуура дьиэлэригэр, бибилэтиэкэлэргэ уо.д.а., алтынньы 25 күнүттэн спорт эбийиэктэригэр – фитнес-кулууптарга, бассейҥа, спорт саалаларыгар уо.д.а., сэтинньи 1 күнүттэн уопсастыбаннай аһылык тэрилтэлэригэр – кафеларга, остолобуойдарга, эрэстэрээннэргэ, банкеттыыр саалаларга киирэр.
Ити тэрилтэлэргэ киирэргэ гражданнар COVID-19 утары быһыыны ылбыттарын туһунан сэртипикээттээх эбэтэр коронавирус дьаҥынан ыалдьыбыт дьон QR-кодунан бигэргэтэн уонна бэйэни туоһулуур докумуону бииргэ көрдөрөллөр.
Сэртипикээти уонна QR-коду вакцина ылбыт кэннэ Судаарыстыбаннай өҥөлөр порталтан ылыллар.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)