10.07.2021 | 15:00

Саха сиригэр «Предупреди пожар – установи АДПИ!» социальнай акция ыытыллар

Саха сиригэр «Предупреди пожар – установи АДПИ!» социальнай акция ыытыллар
Ааптар: Киин Куорат
Бөлөххө киир

«Предупреди пожар – установи АДПИ!» социальнай акция нэһилиэнньэ олорор пуондатыгар баһаары сэрэтэр тэрили туруортарарын көҕүлүүр бүтүн өрөспүүбүлүкэтээҕи челлендж буолар. 
Акцияны тэрийээччи – СӨ нэһилиэнньэтигэр куттала суох олоҕу хааччыйар Судаарыстыбаннай кэмитиэт. 
Акция кыттыылааҕынан СӨ ханнык баҕарар олохтооҕо буолуон сөп. 
Кыттааччылар АДПИ-ны атыылаһан ылан ханна баҕарар – дьиэлэригэр (кыбартыыраларыгар), төрөппүттэрин, аймахтарын, билэр дьоннорун дьиэлэригэр, нэһилиэнньэ социальнай өттүнэн көмүскэлэ суох араҥата олорор сирдэригэр төһөнү баҕарар туруортарыахтарын сөп. 
АДПИ – автономнай, буруо сытын ылла даҕаны суһаллык биллэрэр баһаары утары тэрил. 
Акция усулуобуйатынан, АДПИ-ны туруоруу видеоматырыйааллара уонна хаартыскалара баар буолуохтаахтар. Итиннэ эбии АДПИ туһатын туһунан видеонан кэпсиэххэ сөп. 
Инстаграм сирэйигэр акция уонна АДПИ-ны туруортарбыт туһунан информацияны Госкомобеспечение @gkbjd_yakutia инстаграм-аккаунун бэлиэтээн уонна #предупредипожарсАДПИ хэштеги суруйан туран угуллуохтаах. 
Салгыы челлендж атын кыттааччыларга (бииргэ үлэлиир дьоҥҥутугар, доҕотторгутугар, билэр дьоҥҥутугар, судаарыстыбаннай былаас ситэриилээх уонна бэйэни салайыныы уорганнарыгар, тэрилтэлэргэ) бэриллиэхтээх. Кыттааччы ахсаана хааччаҕа суох. 
Акция кыттыылаахтара, усулуобуйаны толорон баран, быһаччы сүүйүүлээх оонньуу (розыгрыш) кыттааччылара буолаллар. 
Сүүйүүлээх оонньуу усулуобуйалара:
Госкомобеспечение @goskomobzh_yakutia инстаграм-аккаунугар подпискалаах буолуохтааххыт.
Госкомобеспечение сүүйүүлээх оонньуу туһунан суруйан таһаарбытын лайктыыгыт.
Госкомобеспечение сүүйүүлээх оонньуутун туһунан репост оҥороҕут. 
Акция 2021 сыл муус устар 22 күнүттэн 2021 сыл ахсынньы 31 күнүгэр диэри ыытыллар.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.