Саха сиригэр «Предприниматель ийэ» бырагыраама ыытыллар

Кулун тутар 14 күнүттэн 18 күнүгэр диэри региоҥҥа «Предприниматель ийэ» бырагыраама ыытыллар, итиннэ үөрэммиттэр бэйэ дьыалатын арыныахтарын сөп. 
Бырагыраама чэрчитинэн ийэлэр бэйэ дьыалатын арыйарга ирдэнэр наадалаах билиини ылыахтара. Үөрэнии биэс күн иһигэр сирэй тренинг быһыытынан ыытыллар. Ийэлэри уопуттаах бизнес-тренердар уонна дьоҕус бизнеһи өйүүр салаа бэрэстэбиитэллэрэ үөрэтэллэр. Саамай сүрүнэ – үөрэнии босхо!
Тренинг тиһэх күнүгэр, бизнес-былааннар куонкурустарын чэрчитинэн, кыттааччылар экспертнай хамыыһыйаҕа бэйэлэрин бырайыактарын билиһиннэрэн бэйэ дьыалатын сайыннарыыга 100 000 солкуобай суумалаах грант иһин киирсиэхтэрин сөп. 
Ситиһиилээх бизнес-леди буолар түгэни мүччү тутумаҥ, mamapredprinimatel.ru сайтка киирэн анкетаны толоруҥ. 
Сайаапкалары 2022 сыл кулун тутар  7 күнүгэр диэри туталлар (ити күнү киллэрэн туран). 
Бырагыраама туһунан @mamapredprinimatel аккауҥҥа киирэн көрүөххүтүн сөп.