Саха сиригэр ойуур баһаарын ахсаана эбиллибит

Регионнааҕы ЫБМС пресс-сулууспата иһитиннэрбитинэн, өрөспүүбүлүкэ территориятыгар суукка иһигэр 16 ойуур баһаара эбиллибит.
«Суукка иһигэр ойуур баһаара 16-нан элбээтэ, саҥа умайа турар сирдэр эбиллэн баһаар иэнэ 5 тыһыынчаттан тахса га буолла. 12 оройуоҥҥа 4-5 кылаастаах баһаар куттала баар», - диэн иһитиннэриигэ этиллэр. 
Ойууру авиациянан харабыллыыр сулууспа суһал дааннайдарынан, региоҥҥа 67 ойуур баһаара баар. Суукка иһигэр 9 баһаар умуруоруллубут. Итиннэ 1611 киһи уонна 182 тиэхиньикэ үлэлээбиттэр. Ньурба улууһугар Арассыыйа ЫБМС авиацията биир сууккаҕа 17 төгүл барыта 135 туонна ууну куппут. 
Ойуур баһаардарынан Үөһээ Бүлүү, Кэбээйи, Ньурба, Сунтаар, Өлүөхүмэ, Өймөкөөн уонна Томпо оройуоннарыгар уустук балаһыанньа оннунан хаалар. Итиннэ 39 көрдүгэн регистрацияламмыт.