11.08.2021 | 10:30

Саха сиригэр окко 30 тыһыынча кэриҥэ киһи үлэлиир

Саха сиригэр окко 30 тыһыынча кэриҥэ киһи үлэлиир
Ааптар: Киин Куорат
Бөлөххө киир

Атырдьах ыйын 9 күнүгэр ыраах оттуур  учаастактарга 108 биригээдэ барбыт, 30 тыһыынча кэриҥэ киһи 8 971 звеноҕа үлэлииллэр. Ол туһунан СӨ баһылыгын уонна бырабыыталыстыбатын пресс-сулууспата иһитиннэрдэ.
Бүлүү улууһугар ыраах учаастактарга 13 биригээдэ оттуу барбыт, 1034 т. оту бэлэмнээбит. Мэҥэ-Хаҥаласка 10 биригээдэ 573 т. оту, Ньурба улууһугар 25 биригээдэ 527 т. оту, Сунтаар улууһугар 10 биригээдэ 100 т., Уус-Майаҕа 3 биригээдэ 107 т, Хаҥалас улууһугар 20 звено 525 т., Чурапчы улууһугар 21 биригээдэ 201 т. оту бэлэмнээбиттэр. Дьокуускай куорат территориятыгар «Туймаада Экоферма» ХЭТ 300 т. оту оттообут. Биригээдэлэр уопсайа 3537 т. оту бэлэмнээбиттэр. 
Өрөспүүбүлүкэ үрдүнэн ыраах оттуур сирдэргэ 35 838 т от бэлэмнэнэрэ былааннаммыт. Ити сыалга өрөспүүбүлүкэ судаарыстыбаннай бүддьүөтүттэн 2021 сылга 34 мөл. солк. көрүллүбүт. 
Тыа хаһаайыстыбатын Управлениеларын суһал дааннайдарынан, атырдьах ыйын 9 күнүнээҕи туругунан, өрөспүүбүлүкэ бары хаһаайыстыбаларыгар 8 971 звено састаабыгар 30 286 киһи үлэлиир, ол иһигэр 1934 механизированнай, 4874 механизированнай аҥаардаах, 166 атынан-илиинэн уонна 1887 илиинэн оттууллар, 11 566 тыраахтыр үлэлэһэр. 
Атырдьах ыйын 9 күнүнээҕи туругунан өрөспүүбүлүкэ үрдүнэн 219621 га ходуһа охсуллубут.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...