25.06.2021 | 11:30

Саха сиригэр коронавирус дьаҥынан сибээстээн хааччаахтыыр миэрэлэри от ыйын 15 күнүгэр диэри уһаттылар

Саха сиригэр коронавирус дьаҥынан сибээстээн хааччаахтыыр миэрэлэри от ыйын 15 күнүгэр диэри уһаттылар
Ааптар: Киин Куорат
Бөлөххө киир

Өрөспүүбүлүкэ бүттүүнүгэр коронавирус дьаҥынан сибээстээн хааччаахтыыр миэрэлэри от ыйын 15 күнүгэр диэри уһаттылар. Ол туһунан Баһылык уонна Бырабыыталыстыба  пресс-сулууспата иһитиннэрдэ.
Докумуоҥҥа эбии хааччаахтыыр миэрэлэр киирбиттэр. Ити миэрэлэр Өлүөхүмэ оройуонугар ыытыллар Олоҥхо Ыһыаҕар уонна Горнай улууһугар буолуохтаах «Манчаары оонньуулара - 2021»  спорт национальнай көрүҥнэригэр XXI Спартакиадаҕа сыһыаннаахтар. 
Ол курдук, тэрээһиннэри ыытыы санитарнай боротокуолу тутуһар эрэ буоллахха көҥүллэнэр. Боротокуолга тэрийээччилэр, администратордар уонна кыттааччылар эбээһинэстэрэ чуолкай сурулла сылдьар. Докумуоҥҥа суруллубутунан, тэрээһин кыттыылаахтара бары вакцинацияны ааспыт буолуохтаахтар. 
Кыттааччылар, көрөөччүлэр ахсааннара тэрээһин ыытыллар эбийиэгин аҥаарыттан ордугу толоруо суохтаах. Санитарнай боротокуолга кыттааччылартан ким эбит коронавируһунан ыалдьыбыта билиннэҕинэ тугу гыныахтааҕа сыһыарыы быһыытынан сурулла сылдьар. 
Маны сэргэ саҥа ыйаахха, Саха сирин кылаабынай санитарнай бырааһын этиитин учуоттаан, атыы-эргиэн уонна саататар кииннэргэ, дьаарбаҥкаларга, ырыынактарга, ас-үөл тэрилтэлэригэр 14 саастарын туола илик оҕолор улахан киһитэ суох сылдьаллара бобуллар буолбут. 
Дьокуускай, Мирнэй, Удачнай аэропуортарыгар кэлбит дьон температураларын кээмэйдэниллиэхтээх уонна 37,1 кыраадыстан саҕалаан медицинскэй тэрилтэлэргэ уонна өрөспүүбүлүкэтээҕи Роспотребнадзор Управлениетыгар биллэриллиэхтээх. 
От ыйын 15 күнүгэр диэри мааскалаах сылдьааһын уонна социальнай дистанцияны тутуһуу оннунан хаалар.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...