25.08.2021 | 17:30

102 тыһыынча доза вакцина баар

102 тыһыынча доза вакцина баар
Ааптар: Киин Куорат

Уочараттаах брифиҥҥэ этиллибитинэн, Саха сиригэр коронавирус дьаҥын утары 102 тыһыынча доза вакцина баар. Быһыыны ылбыттара сыл аҥаара буолбут дьону ревакцинацияҕа ыҥыраллар. 
Атырдьах ыйын 25 күнүгэр коронавируһунан ыалдьыы 144 саҥа түбэлтэтэ биллибит. Дьокуускайга — 82 киһи, Мииринэй оройуонугар — 13, Үөһээ Бүлүү улууһугар —  7, Тааттаҕа —  7,  Алдан уонна Нерюнгри оройуоннарыгар — 6-лыы, Чурапчыга —  5, Кэбээйи улууһугар — 4, Бүлүү уонна Сунтаар улуустарыгар —  3-түү киһи. Амма, Булуҥ, Үөһээ Дьааҥы, Горнай, Нам, Хаҥалас улуустарыгар — 2-лии, Аллайыаха, Мэҥэ-Хаҥалас уонна Уус Алдан улуустарыгар — 1-дии киһи ыалдьыбыт.
Коронавирус дьаҥа ыраах сытар оройуоннарга булуллубут, итинник сирдэргэ  санитарнай-эпидемиологическай миэрэлэри туттар уустук. Онон регион тас өттүттэн кэлбит эбэтэр регион ыраах муннуктарыгар барар дьон ханна да сылдьыбакка, бэйэ изоляциятын эрэсиимин тутуһаллара ирдэнэр. 
Өрөспүүбүлүкэ лабораториялара быыстала суох үлэлииллэр. Ол курдук, суукка иһигэр 3 438 анаалыһы оҥорбуттар. 
Саха сиригэр пандемия саҕаланыаҕыттан 414 355 доза вакцина кэлбит. Вакцинация бастакы түһүмэҕин 308 800 киһи ааспыт, олортон 59 341 – 65-тэн үөһэ саастаахтар. Толору вакцинацияны 270 966 киһи ааспыт, олор истэригэр 54 147 – 65-тэн үөһэ саастаах дьон. Быһыы былаана нэһилиэнньэ 80% эбит буоллаҕына, билиҥҥи туругунан вакцина 70% туттуллубут.
Вакцинацияны оҥорор эбии пууннар үлэлииллэр, наада буоллаҕына быраастар тэрилтэҕэ да кэлэн оҥоруохтарын сөп. Ревакцинацияҕа бастакы ылбыт вакциналарыттан атыны талаллара көҥүллэнэр. Билигин региоҥҥа «Спутник V», «ЭпиВакКорона» уонна «Спутник лайт» вакциналар бааллар.
Манна даҕатан эттэххэ, билиҥҥи кэмҥэ өрөспүүбүлүкэ реанимацияларыгар сытар 102 ыарыһахтан биир да киһи вакцинаны ылбатах. Медиктэр бэлиэтииллэринэн, быһыы толору кууруһун ылбыт дьон ыараханнык ыалдьыбаттар.

Сонуннар

Ордук ааҕаллар

Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.
Үөрүүлээх түгэни - дьоһун көстүүлээх
Сонуннар | 05.08.2022 | 10:51
Үөрүүлээх түгэни - дьоһун көстүүлээх
Үөрэх дьыла чугаһаабытынан, бэйэбит үөрүүбүтүн үллэстэргэ сананныбыт. Ол курдук, быйыл Кэбээйи улууһун Мукучу нэһилиэгэр улахан оскуола дьиэтэ тутуллубута 90 сылын кэлэктиип туох эрэ ураты көстүүлээх көрсүөхтээх диэн быһаарыы ылынан, саҥа сахалыы истииллээх таҥас сакаастаан тиктэрбиппит. 
Минньигэстик аһааҥ
Тускар туһан | 05.08.2022 | 10:00
Минньигэстик аһааҥ
Сибиэһэй оҕуруот аһа дэлэгэй эрдэҕинэ, боростуой, минньигэс уонна битэмииннээх салааттарда астанан хаалыаҕыҥ.
НВК Саха бырагыраамата атырдьах ыйын 8-14 күнэ
Сонуннар | 03.08.2022 | 16:50
НВК Саха бырагыраамата атырдьах ыйын 8-14 күнэ
Понедельник, 8 августа 6:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 ПроАвто 12+ 12:00 "Якутия" информационная программа 12+ 12:15 Асчыттар 6+ 13:00 Дойдум дьоно 12+ 13:15 Актуальное интервью 12+ 13:30 "Саха сирэ" информационнай биэрии  12+ 13:45 "Якутия" информационная...