06.09.2021 | 16:47

Саха сиригэр коронавируһунан ыалдьыы намтаабат

Саха сиригэр коронавируһунан ыалдьыы намтаабат
Ааптар: Киин Куорат
Бөлөххө киир

Билиҥҥи туругунан, коронавируснай инфекциянан ыалдьыы түбэлтэлэринэн Саха сирэ Арассыыйа субъектарын ортотугар 40-50-с миэстэҕэ сылдьар. Ыарыы намтааһына көстүбэт. Ол туһунан өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ. 
Өрөспүүбүлүкэтээҕи суһал штаб муниципальнай тэриллиилэр уонна куорат уокуруктарын баһылыктарын кыттыылаах уочараттаах мунньаҕар этиллибитинэн, Саха сиригэр коронавируснай инфекцияны кытта сибээстээх санитарнай-эпидемиологическай быһыы-майгы  уустугунан хаалар. Ол туһунан мунньахха Ил Дархан Айсен Николаев эттэ. 
Ыарыы таһыма үрдээбит улуустара – Бүлүү, Горнай, Уус-Майа, Хаҥалас. Дьокуускай куорат уонна 14 өрөспүүбүлүкэ оройуоннарын реанимационнай  салааларыгар 102 ыарыһах, ол иһигэр 21 киһи ыарахан туруктаах тыҥа вентиляциятын аппараатыгар холбонон сыталлар. 
Айсен Николаев бэлиэтээбитинэн, кэнники кэмҥэ оройуоннар баһылыктара ойуур баһаарынан уонна оттооһунунан сибээстээн коронавирус дьаҥын кытта охсуһууга улахан болҕомтону уурбат буолбуттар, ол олох сатаммат быһыы.  Билигин ОРВИ сезона саҕаланыытыгар коронавирус ахсаана үрдээбэтин курдук эрдэттэн миэрэ ылыллар сорук турара этилиннэ. 
Профилактика  миэрэлэрин сэргэ баһылыктарга ОРВИ-га майгынныырдык ыалдьыбыт дьон медицинскэй тэрилтэлэргэ суһаллык көрдөрөллөрүн курдук үлэни ыытарга сорудахтанна. Ити коронавируснай инфекцияны эрдэтинэ буларга, ыарахан турукка тиэрдибэт буолууга улахан суолталаах. Итини сэргэ муниципальнай тэриллиилэр баһылыктара медицинскэй тэрилтэлэри кытта эминэн хааччыйыыга үлэлэһиэхтээхтэр. 
Дьоһун соруктартан биирдэстэрэ – оҕо уһуйааннарыгар уонна оскуолаларга  санитарнай-эпидемиологическэй ирдэбили тутуһууну хонтуруоллааһын. Итиннэ оҕолор уонна педагогтар ортолоругар ыалдьааһын түбэлтэрэ тиһиктээхтик анаалыстаныахтаах. 
Баһылыктар оскуолаларга уонна уһуйааннарга температурнай эрэсиими кэтээһини олохтуур, ититиини кэмигэр биэрэр усулуобуйаларынан хааччыйыахтаахтар.  
Биир кэлим куоластааһын күнэ чугаһаабытынан сибээстээн, быыбардыыр учаастактар санитарнай-эпидемиологическэй өттүнэн куттала суох буолууларын хааччыйыы баһылыктар ураты болҕомтолоругар сылдьыахтаах. 
Вакцинацияҕа сыһыаннаан, Айсен Николаев өрөспүүбүлүкэҕэ билиҥҥи туругунан быһыы бастакы түһүмэҕин 326 318 киһи, иккис түһүмэҕин – 302 168 киһи ааспытын бэлиэтээтэ. Оройуоннарынан көрдөххө вакцинация араас тэтимнээх. Үөһээ Халыма, Эдьигээн, Муома, Аллараа Халыма, Орто Халыма оройуоннарыгар улахан дьоҥҥо быһыыны туруорааһыҥҥа былаан 90 уонна 100% туолбут. 
Сорох улуустарга былаан 60% да туолбатах, ити Нам уонна Чурапчы улуустара. Амма, Булуҥ, Үөһээ Бүлүү, Кэбээйи, Нерюнгри, Уус-Алдан оройуоннарыгар былаан 65%-тан намыһах туолбут. 
Билиҥҥи туругунан өрөспүүбүлүкэ 5 305 олохтооҕо ревакцинацияны ааспыт. 
Мунньах чэрчитинэн Өлүөхүмэ, Мирнэй уонна Хаҥалас оройуоннарын баһылыктара санитарнай-эпидемиологическэй балаһыанньа уонна коронавируһу утары ыытыллар миэрэлэр тустарынан иһитиннэриини оҥордулар.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...