Саха сиригэр коронавируһунан ыалдьыы элбээтэ

«Ааспыт сууккаҕа регионнааҕы балыыһаларга аҕыс ыарыһах киирдэ, ити ыалдьыбыт дьон 6,7%-на, уопсайа 119 киһи ыарыйда. Итинтэн 42,9% Дьокуускай куоракка регистрацияланна, 57,1% – улуустарга», — диэн иһитиннэрдилэр суһал штабка. Бэҕэһээ, атырдьах ыйын 1 күнүгэр, 101 ыалдьыбыт киһи регистрацияламмыт.

Билиҥҥи туругунан стационардарга 7,5% ыарыһах эмтэнэр, таһыттан амбулаторнай усулуобуйаҕа – 92,5%.

Быһыы бастакы түһүмэҕин 642 017 киһи ааспыт, ити өрөспүүбүлүкэ нэһилиэнньэтин улахан дьонун 89,5%-на. Ревакцинацияны 169 538 киһи ааста, ити хос быһыыны ылыахтаах дьон 68%-на.

Ревакцинацияҕа намыһах көрдөрүүлээх улуустар – Алдан, Үөһээ Дьааҥы, Горнай, Мэҥэ Хаҥалас, Мирнэй, Нам, Нерюнгри, Орто Халыма уонна Дьокуускай куорат.