Саха сиригэр хааччахтыыр миэрэлэр алтынньы ый бүтүөр диэри уһаатылар

Саха сиригэр хааччахтыыр миэрэлэри алтынньы 31 күнүгэр диэри уһатар туһунан уураахха Ил Дархан Айсен Николаев балаҕан ыйын 30 күнүгэр илии баттаата. Уураахха этиллэринэн, саататар, култуурунай, физкултуура, сырдатар, реклама уонна да атын маассабай тэрээһиннэри, ол иһигэр сынньалаҥ пааркаларыгар, эргиэн-саататар кииннэригэр, аттракционнарга уонна элбэх киһи сылдьар сирдэригэр тэрийэр бобулунна. 
Маны таһынан, доруобуйа харыстабылын министиэристибэтэ сэтинньи 1 күнүгэр диэри улахан саастаах нэһилиэнньэни диспансеризациялааһыны, профилактическай көрүүнү тохтотор. Үлэни биэрээччилэргэ үлэһиттэрин 50%-н, оҕо күүтэр дьахталлары дьиэттэн үлэҕэ көһөрөргө сүбэлээтилэр.