Саха сиригэр грипп утары вакцинация ыытыллар

Саха сиригэр сезоннай грипп утары вакцинация ыытылларын туһунан СӨ баһылыгын уонна бырабыыталыстыбатын пресс-сулууспата иһитиннэрдэ. 
Суһал штаб мунньаҕар Роспотребнадзор Саха сиринээҕи управлениетын салайааччыта Маргарита Игнатьева иһитиннэрбитинэн, биир ый анараа өттүгэр өрөспүүбүлүкэҕэ грипп ыарыытын утары вакцина бастакы баартыйата кэлбит, оройуоннарга араас тэтиминэн нэһилиэнньэни вакцинациялааһын саҕаламмыт. 
«Грипп ыарыытын утары вакцинацияны киэҥ далааһыннаахтык оҥорор, үөрэҕирии эбийиэктэригэр эпидемиологическай, сэрэтэр миэрэлэри уонна масочнай эрэсиими тутуһуу булгуччулаахтык ирдэнэр», — диэбит Маргарита Игнатьева.
Региоҥҥа нэһилиэнньэ ортотугар тестированиены ыытыы, Дьокуускайга уонна өрөспүүбүлүкэ сорох оройуоннарыгар медицина тэрилтэлэригэр койкалар элбэтиллибиттэрэ бэлиэтэммит.