05.12.2023 | 18:00

Саха сиригэр фашизмы утары форум тэриллэр

Ахсынньы 8 күнүгэр, Саха Өрөспүүбүлүкэтин Ил Дархана Айсен Николаев көҕүлээһининэн, Аҕа дойду Геройдарын күнүн көрсө, фашизмы утары форум тэриллэр диэн Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ.
Саха сиригэр фашизмы утары форум тэриллэр
Ааптар: Киин Куорат
Бөлөххө киир

Форум сүрүн сыала – фашизм суоһуурун туһунан сэрэтии, XXI үйэҕэ неофашизм чөлүгэр түһүүтүн утары күүстээх миэрэлэри ылыныы.

Айсен Николаев бэлиэтээбитинэн, фашизмы утары форум дойду үрдүнэн Саха сиригэр аан бастакынан, РФ Оборуонаҕа министиэристибэтин өйөбүлүнэн, ыытыллар.

«Уопсастыбаҕа неофашизм бары көрүҥүн утарар өйү-санааны үөскэтиэхтээхпит, XXI үйэҕэ неофашизмы уонна нацизмы кыайарга антифашистскай күүһү барытын түмүөхтээхпит, үгэс буолбут сыаннастарбытын көмүскүөхтээхпит уонна бөҕөргөтүөхтээхпит. Фашизмы утары форум биир сүрүн тиэмэтэ – анал байыаннай эпэрээссийэ кыттыылаахтарын бары өттүнэн өйөөһүн», – диэтэ Саха Өрөспүүбүлүкэтин Ыччат дьыалаларыгар уонна социальнай коммуникацияларга миниистирэ Петр Шамаев.

Форумҥа Иккис аан дойду сэриитин устуоруйатын сымыйанан уларытыы боппуруостарын, дьиҥ-чахчыны көмүскүүр үлэни уонна устуоруйаны саҥаттан суруйууну утары охсуһууну күүһүрдээһини дьүүллэһиэхтэрэ.  

Тэрээһин кыттыылаахтарын ортотугар федеральнай экспертэр бааллар: «Наука. Общество. Оборона» сурунаал кылаабынай эрэдээктэрэ, Арассыыйа Ракетнай уонна артиллерийскай наукаларын академиятын чилиэн-кэрэспэдьиэнэ Владимир Кикнадзе, Донецкай Норуодунай Өрөспүүбүлүкэ баһылыгын сүбэһитэ Игорь Кимаковскай.

Итини сэргэ, форумҥа онлайн көрүҥүнэн атын экспертэр кытталлара былааннанар, ол иһигэр Судаарыстыбаннай Дуума Уһук Илини уонна Арктиканы сайыннарыыга кэмитиэтин бэрэссэдээтэлин солбуйааччы  Антон Басанскай, «Арассыыйа офицердара» уопсастыбаннай тэрилтэ киин исполкомун салайааччыта Александр Михайлов, байыаннай кэрэспэдьиэннэр Никола Стариков уонна Андрей Афанасьев, Донецкай Норуодунай Өрөспүүбүлүкэ Москватааҕы бэрэстэбиитэлистибэтин салайааччыта Ольга Макеева, Арассыыйатааҕы наука академиятын техногеннай куттал суох буолуутугар хамыыһыйатын бэрэссэдээтэлэ Николай Махутов уо.д.а.

Форум үлэтин түмүгүнэн резолюция ылыныллыаҕа.

 

 

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....