Саха сиригэр эргиэн кииннэригэр киирэргэ QR-код ирдэммэт буолла
![Саха сиригэр эргиэн кииннэригэр киирэргэ QR-код ирдэммэт буолла](https://kiinkuorat.ru/wp-content/uploads/2021/12/gsDNhi924i.jpg)
Ахсынньы 23 күнүттэн, СӨ Ил Дархана Айсен Николаев ыйааҕынан, эргиэн уонна саататар кииннэргэ, эргиэн комплексаларыгар киирэргэ коронавирус дьаҥын утары быһыыны ылбыты эбэтэр ыалдьа сылдьыбыты туоһулуур QR-код ирдэммэт буолла. Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрдэ.
Санитарнай-эпидемиологическай быһыы-майгы тупсубутунан уонна нэһилиэнньэ улахан араҥата коронавирус дьаҥыттан быһыыны ылбыттарынан сибээстээн, ыйаахха хааччахтааһын миэрэлэрин сымнатыы киирбит.
Саҥа ыйаахха олоҕуран, СӨ Биир кэлим халандаарын былааннарыгар киирбит официальнай спортивнай тэрээһиннэр – физкультурнай-чэбдигирдэр уонна спортивнай-маассабай тэрээһиннэр саала аҥаарынан көрөөччүлээх буоллаҕына көҥүллэнэллэр. Бу иннинэ күрэхтэһиилэр көрөөччүтэ суох ыытыллааччылар.
Итини таһынан, уопсастыбаннай аһылык тэрилтэлэрин, ол иһигэр банкет саалаларын эрэсиимнэрэ, 01:00 чааска диэри уһатылыннылар.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)