Саха сиригэр чөлүгэр түһүүнү 142 байыас ааста

Бүгүҥҥү күҥҥэ региоҥҥа биир кэлим чөлүгэр түһэриини 142 байыаннай сулууспалаах уонна 300-тэн тахса дьиэ кэргэттэрин чилиэннэрэ, ол иһигэр 199 оҕо аастылар. Бу туһунан бүгүн, алтынньы 5 күнүгэр ыытыллыбыт брифиҥҥэ СӨ  Үлэҕэ уонна социальнай сайдыыга министиэристибэтин Социальнай политикаҕа департаменын салайааччытын солбуйааччыта Анастасия Никифорова иһитиннэрдэ.

«Бу үлэ министиэристибэ биэдэмистибэлэрин базатыгар ыытыллар – Дьокуускай, Нерюнгри, Өлүөхүмэ, Ньурба чөлүгэр түһэрэр, итиэннэ Амма, Өлөөн уонна Орто Халыма улуустарын нэһилиэнньэ социальнай харысхалын кииннэригэр», – диэн бэлиэтээтэ Анастасия Никифорова.

Итини сэргэ байыаннай дьайыы кыттыылаахтарыгар уонна дьиэ кэргэттэрин чилиэннэригэр өрөспүүбүлүкэтээҕи техникум-интэринээт базатыгар профориентационнай үлэ, атын хайысханнан үөрэтии уонна үлэҕэ киллэрии, итиэннэ  медико-социальнай чөлүгэр түһэрии ыытыллар.

Итини таһынан, байыаннай сулууспалаахтарга уонна дьиэ кэргэттэригэр социальнай хантыраакка олоҕуран, судаарыстыбаннай социальнай көмө оҥоһуллар. Билиҥҥи туругунан Саха сиригэр 200 итинник социальнай хантыраак түһэрсилиннэ, ол иһигэр 30-тан тахса урбаанньыт быһыытынан үлэни саҕалыылларыгар, 20 – кэтэх хаһаайыстыбаны тэринэргэ, сайыннарарга уонна сороҕо уустук балаһыанньаттан тахсарга көмө быһыытынан.