16.02.2022 | 14:00

Саха сиригэр былырыын 4 тыһыынча саҥа үлэ миэстэтэ оҥоһулунна

Саха сиригэр былырыын 4 тыһыынча саҥа үлэ миэстэтэ оҥоһулунна
Ааптар: Киин Куорат
Бөлөххө киир

Саха сиригэр үлэнэн хааччыллыбыт нэһилиэнньэ ахсаанын элбэтэргэ туһаайыллыбыт миэрэлэр чэрчилэринэн, былырыын 4414 саҥа үлэ миэстэтэ оҥоһуллубут, олортон тутууга – 2681, промышленноска – 1292, тырааныспарга уонна суол хаһаайыстыбатыгар – 148, экологияҕа, айылҕаны туһаныыга уонна ойуур хаһаайыстыбатыгар – 85, олох-дьаһах хомунаалынай хаһаайыстыбатыгар – 20, Арктическай зуонаҕа – 98 (резиденнар). Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.
«Өрөспүүбүлүкэ бэлиитикэтин биир дьоһун хайысхатынан саҥа үлэ миэстэлэрин тэрийии буолар. Ити – Саха сирин нэһилиэнньэтин олоҕун хаачыстыбатын үрдэтиигэ төһүү күүһүнэн буолар. Хайысха сүрүн кыаҕа промышленноска уонна ИТ эйгэҕэ сытар», – диэн бэлиэтээтэ Ил Дархан Айсен Николаев.
Бүгүҥҥү күҥҥэ саҥа үлэ миэстэтин таһаарар Саха сирин сүрүн инвестициялаах бырайыактарынан Эльгинскай чох хостуур сир үс хайаны байытар фабрикатын үлэҕэ киллэрии, кыра күүрүүлээх атом станциятын тутааһыннаах «Кючус» көмүс хостуур сири баһылыырга бэлэмнэнии түһүмэх саҕаланыыта, Сиваглинскай тимир рудатын карьерыттан бастакы руданы тиэйии, Сыллахтааҕы чох разреһын үлэҕэ киллэрии буолаллар. Ити түөрт бырайыак өрөспүүбүлүкэҕэ 20 тыһыынчаттан тахса саҥа үлэ миэстэтин таһаарыахтаах.
 Итини таһынан, Нежданинскайдааҕы саҥа хайаны байытар фабрика бырайыактаммыт таһымыгар тиийдэҕинэ тыһыынчаттан тахса үлэ миэстэтэ тахсыахтаах. Эмиэ итиччэ миэстэ Өлүөнэ эбэни туоруур муостаны тутуу саҕаланнаҕына баар буолуоҕа.
«ИТ-пааркаҕа» уонна  «Якутия» технопааркаҕа былырыын 367 саҥа үлэ миэстэтэ арыллыбыт. ИТ-салааҕа инновационнай экосистиэмэ сайыннаҕына итиннэ үлэлээччи ахсаана 2024 сылга диэри 10 тыһыынча киһиэхэ тиийиэхтээх.
Промышленность эйгэтигэр сүрүн суолталааҕынан «Олохтоох кадрдары промышленноска» бырагыраама буолар, кини чэрчитинэн промышленнай хампаанньалары, тутуу тэрилтэлэрин, суол, энергетика уонна тырааныспар хаһаайыстыбаларын кытта үлэҕэ уонна анал үөрэххэ киллэрэр туһунан 43 сөбүлэҥ түһэрсиллибит. 2021 сыл түмүгүнэн ити бырагырааманан 11 тыһыынча олохтоох дьон үлэҕэ киирбит.  Саҥа оробуочай миэстэлэр Саха сирин көмүс хостуур салаатыгар эмиэ тахсыбыттар. Ол курдук былырыын итиннэ 1811 киһи үлэ булбут.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...