Саха сиригэр ааспыт сууккаҕа коронавируһунан ыалдьыы 94 түбэлтэтэ регистрацияланна

Саха сиригэр ааспыт сууккаҕа коронавируһунан ыалдьыы 94 түбэлтэтэ регистрацияланна диэн коронавирус дьаҥын кытта охсуһар суһал штаб биллэрдэ. 
Ол иннинээҕи сууккаҕа 91 ыалдьыбыта биллибитэ. Дьокуускайга саамай элбэх ыалдьыбыт киһи ахсаана – 59 (ол иннинэ 57 этэ). Өрөспүүбүлүкэҕэ ыалдьыбыт киһи уопсай ахсаана 40 229 буолбут. 
Ити курдук, бэс ыйын 18 күнүгэр 94 коронавирус дьаҥынан ыалдьыбыт киһи баара биллибит:
- Дьокуускай куорат – 59;
- Алдан, Мэҥэ-Хаҥалас оройуоннара 6-лыы түбэлтэ;
- Амма, Үөһээ Дьааҥы, Мирнэй оройуоннара – 4-түү;
- Бүлүү, Нам, Уус-Алдан оройуоннара – 3-түү;
- Үөһээ Бүлүү оройуона – 2 түбэлтэ.
Суукка иһигэр өрөспүүбүлүкэ лабораториялара коронавируһу бэрэбиэркэлээн 3 035 чинчийиини оҥорбуттар. 
Суһал штаб кэнники көрдөрүүлэринэн, Саха сиригэр 729 коронавируһунан ыалдьыбыт киһи олохтон туораабыт. 36 425 үтүөрбүт. Барыта төһө киһи быһыы ылбыта чуолкайданар. 
Санатан эттэххэ, Саха сирин үрдүнэн коронавируһунан сибээстээн хааччахтыыр миэрэлэр бэс ыйын 25 күнүгэр диэри уһатыллыбыттара.