19.12.2023 | 12:30

Саха сиригэр 400 байыас уонна 741 дьиэ кэргэттэрин чилиэнэ чөлүгэр түһэриини аастылар

Өрөспүүбүлүкэҕэ байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах көмөнү оҥоруу салҕанар.
Саха  сиригэр 400 байыас уонна 741 дьиэ кэргэттэрин чилиэнэ чөлүгэр түһэриини аастылар
Ааптар: Киин Куорат
Бөлөххө киир

Уочараттаах брифиҥҥэ Саха сирин бырабыыталыстыбатын Бэрэссэдээтэлин солбуйааччы  Георгий Степанов иһитиннэрбитинэн, өрөспүүбүлүкэтээҕи доруобуйа харыстабылын уонна социальнай өҥө тэрилтэлэригэр чөлүгэр түһэриини 400 байыаннай сулууспалаах уонна 741 дьиэ кэргэттэрин чилиэнэ аастылар.

«78 анал байыаннай дьайыы кыттыылаахтарын дьиэ кэргэттэригэр олорор льиэлэрин гаастааһыҥҥа материальнай көмө оҥоһулунна, байыаннай сулууспалаах 193 төрөппүтэ санаторнай-курортнай эмтэниигэ көмөнү ыллылар, 203 дьиэ кэргэттэрин чилиэннэригэр байыаннай сулууспалаах эмтэнэр сиригэр тиийэргэ көмө оҥоһулунна. Итини сэргэ, 1192 байыаннай сулууспалаахха уонна 1920 дьиэ кэргэттэрин чилиэннэригэр медицинскай көмө оҥоһулунна», – диэн бэлиэтээтэ Георгий Степанов. 

Өрөспүүбүлүкэҕэ «Аҕа дойду көмүскээччилэрэ» судаарыстыбаннай пуонда филиала байыаннай сулууспалаахтары уонна дьиэ кэргэттэрин өйөөһүҥҥэ көхтөөх үлэни ыытар. Элбэх хайысхалаах социальнай киин салаатыгар күнүн аайы гражданнары пуонда филиалын координатордара уонна Арассыыйа Саха сиринээҕи Социальнай пуондатын салаатын, Олохтоох дьаһалта, МФЦ, Үлэ министиэристибэтин, Доруобуйа  харыстабылын министиэристибэтин, Дьарыктаах буолуу судаарыстыбаннай кэмитиэтин исписэлиистэрэ приемнууллар.

Эрдэттэн суруйтаран, оптуорунньукка уонна чэппиэргэ, Үлэ министиэристибэтин медико-социальнай экспертизатын исписэлиистэрин көмөлөрүн, сэрэдэҕэ адвокаттар, оттон ый иккис уонна төрдүс бээтинсэтигэр Прокуратура сотрудниктарын босхо юридическай сүбэлэрин ылыахтарын сөп.

Судаарыстыбаннай пуонда филиалыгар барыта 3 529 киһи сырытта, итинтэн 3225 – анал байыаннай дьайыы кыттыылааҕа. Киирбит 9056 боппуруостан 7611 быһаарылынна (84%). Саамай элбэх ыйытыы байыаннай сулууспалаахтарга социальнай өйөбүл миэрэлэригэр уонна харчынан төлөбүргэ, итини сэргэ, медицинскай көмөҕө, байыаннай дьайыы кыттыылааҕын дастабырыанньатын ылыыга сыһыаннаах.

 

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!