Саха сиригэр 29 ойуур баһаара баар

Ойууру авиациянан харабыллыыр сулууспа суһал дааннайдарынан, СӨ территориятыгар 29 ойуур баһаара баар, балаҕан ыйын 5 күнүнээҕи туругунан 113 гектардаах сиргэ биир баһаар умуруоруллубут. Ол туһунан СӨ ЫБММ пресс-сулууспата иһитиннэрэр. 
Баһаары умуорууга 444 киһи уонна 27 тиэхиньикэ үлэлээбиттэр. 
Билиҥҥи туругунан нэһилиэнньэлээх пууннарга чугаһаабыт баһаардар суохтар, куттал суоһаабат. 
Чурапчы улууһун территориятыгар 10 км зонаҕа биир бохсуллубут көрдүгэн умайа сытар. Күүстээх үлэ Уус-Майа оройуонугар ыытыллар, онно ойуур баһаарын сэттэ көрдүгэнэ баар. Ону умуруорарга 143 киһилээх уонна 13 тиэхиньикэлээх бөлөх үлэлиир. 
«Нэһилиэнньэлээх пууннары көмүскээһиҥҥэ туһаайыллыбыт сэрэтэр тэрээһиннэр бары ыытылыннылар. Нэһилиэнньэлээх пууннарга уонна экэниэмикэ эбийиэктэригэр куттал суоһаабат. Бүгүҥҥү күҥҥэ өрөспүүбүлүкэ территориятыгар быһыыны-майгыны кэтээн көрүүгэ уонна личнай састаабы биир сиртэн атын сиргэ көһөрүүгэ салгын суудуналарын үлэтэ былааннанна», – диэн иһитиннэрдэ РФ СӨ ЫБММ Кылаабынай управлениетын начаалынньыга Павел Гарин.