Саха сиригэр 11 ойуур баһаара бэлиэтэннэ

Өймөкөөн улууһугар 59 га иэннээх сиргэ биир ойуур баһаара умуруорулунна.

Бүгүн, атырдьах ыйын 15 күнүгэр, өрөспүүбүлүкэ территориятыгар 69 693 га сиргэ 11 ойуур баһаара бэлиэтэннэ. Ол курдук, 4 баһаар Уус Маайаҕа, 3 – Орто Халымаҕа, биирдии – Өймөкөөн, Томпо, Өлүөхүмэ, Аллараа Халыма улуустарыгар.

Итини сэргэ Өймөкөөн улууһугар 7 га сиргэ биир баһаар умайа турар.

Былырыын бу кэмҥэ 4,5 мөл га сиргэ 163 ойуур баһаара баара.

Билиҥҥи туругунан Уус Маайа уонна Өлүөхүмэ улуустарыгар 53 705 га иэннээх сиргэ үс баһаары умуруораллар. Итиннэ 541 киһи, ол иһигэр 484 парашютнай-десантнай баһаарынай сулууспа сотрудниктара, 52 ойуур баһаарын утары сулууспа сотруднига, 5 киһи олохтоох нэһилиэнньэттэн,  8 тиэхиньикэ үлэлииллэр.

Баһаар сезона саҕаланыаҕыттан өрөспүүбүлүкэ территориятыгар 520 307,01 га сиргэ 518 ойуур баһаара регистрацияланна. Былырыын баччаларга 6 169 148,17 га сиргэ 1 460 баһаар баара.