21.12.2022 | 11:00

Саха Өрөспүүбүлүкэтин Суруйааччыларын сойууһун VII-с сийиэһэ буолан ааста

Сойууска 145 чилиэн баарыттан бүгүҥҥү тэрээһиҥҥэ 81 киһи (кэлин элбээн) кыттыыны ылла.
Саха Өрөспүүбүлүкэтин Суруйааччыларын сойууһун VII-с сийиэһэ буолан ааста
Ааптар: Киин Куорат
Бөлөххө киир

Президиумҥа СӨ Суруйааччыларын сойууһун бэрэссэдээтэлэ И.В. Мигалкин, СӨ култуураҕа уонна духуобунай сайдыыга миниистирин солбуйааччы А.И. Ноев, СӨ Суруйааччыларын Ассоциациятын бэрэссэдээтэлэ О.И. Сидоров, "Айар" кинигэ кыһатын генеральнай дириэктэрэ А.В. Егоров, "Полярная звезда" сурунаал кылаабынай эрэдээктэрэ В.С. Доллонов олордулар.

Мунньаҕы Г.И. Адамов иилээн-саҕалаан ыытта. Сэкирэтээрдэринэн Г.Г. Басылайканова, Т.М. Борисова, К.С. Маркова талыллан үлэлээтилэр.

Афанасий Ноев "СӨ култууратын туйгуна" бэлиэлэри, култуура министиэристибэтин бочуотунай грамоталарын туттарда.

Олег Сидоров тылбааска күүскэ ылсан үлэлиэххэ, суруйааччыларбыт айымньыларын киэҥ эйгэҕэ таһаарыахха наада диэн ыҥырда. Ону сэргэ, СӨ Суруйааччыларын сойууһа улуустары, литературнай түмсүүлэри кытта үлэтин үрдүктүк сыаналаата уонна өйдөбүнньүк бэлэхтэри туттарда.

Август Егоров СӨ Ил Дархана Айсен Николаев национальнай литератураны өйөөн, 20 мөл. 800 тыһ.солк.  үбү көрөр туһунан дьаһалы таһаарбытын иһитиннэрдэ. Арассыыйаҕа 22 национальнай субъект баарыттан билиҥҥи туругунан 4 эрэ региоҥҥа национальнай бэчээт сайда турар чинчилээх диэтэ. Ол курдук, Саха сирэ кинигэни таһаарыы уонна ааҕыы таһымынан Башкортостан, Татарстан курдук өрөспүүбүлүкэлэртэн хаалсыбатын бэлиэтээтэ. Төрөөбүт тылбытын, литературабытын харааннаан, харыстаан, инникитин да бу курдук айымньылаахтык үлэлэһиэхпит диэн эрэнэрин биллэрдэ.

Иван Мигалкин Сойууска саҥа киирбит чилиэннэргэ – Р.Сибиряковаҕа, И.Васильев-Хоточчуга, З.Д. Федотоваҕа билиэттэрин туттарда.

Лоп курдук уон сыл бэрэссэдээтэлинэн үлэлээбит Иван Мигалкин алта сыллаах үлэтин отчуоттаата.

Салгыы Хара Көмүс, Арылы Дуйдаах, Уйана, Сайа, В.Г. Семенова, Уһук Уйбаан уо.д.а. тыл эттилэр, санааларын үллэһиннилэр.

Сийиэс сүрүн чааһынан бэрэссэдээтэли талыы быыбара буолла. Ол курдук, икки кандидат турда: И.В. Мигалкин, А.Г. Гуринов-Арчылан.

Куоластааһын түмүгүнэн бэрэссэдээтэлинэн СӨ норуодунай поэта Иван Васильевич Мигалкин үһүс болдьоххо талылынна.

Сонуннар

Ордук ааҕаллар

Ылланарга айыллыбыт олох
Дьон | 11.10.2024 | 12:00
Ылланарга айыллыбыт олох
Хаһааҥҥытааҕар даҕаны ардахтаах күһүн буолла. Уһун ардахтарга өйбөр куруутун “Тохтообокко ардах түһэр, Түннүкпэр таммаҕы ыһар...” ырыа тыллара ытыллар.   Биһиги көлүөнэ оҕолор үрдүкү кылаастартан саҕалаан “Ардахха санаа” ырыаны истэ улааппыппыт. Оччолорго, биллэн турар, ким тыла, ким матыыба буоларын улаханнык билэ да сатаабат этибит. Ырыа баар да баар. Киһи олоҕун кэрдиис кэмнэринэн...
Кинини саха быһаҕа быыһаабыта
Дьон | 11.10.2024 | 10:00
Кинини саха быһаҕа быыһаабыта
Кинилэр – биһиги дьоруойдарбыт, кинилэр – өлөллөрүн кэрэйбэккэ эйэлээх олох туһугар охсуһаллар, бааһырбыт доҕотторун өстөөх уотун аннынан быыһыыллар, бука бары быраат, убай диэн ыҥырсаллар.   Бу анал байыаннай дьайыы бүттэҕинэ, элбэх кэпсэниэ, элбэх кистэлэҥ арыллыа, ким эрэ ол саҕана кимиэхэ да эппэтэх санаатын дьэ этиэ турдаҕа. Сорох ардыгар киһи дьиибэргиир, итэҕэйиэ...
Биэнсийэ туһунан тугу билиэххэ?
Тускар туһан | 17.10.2024 | 12:00
Биэнсийэ туһунан тугу билиэххэ?
Судаарыстыба социальнай өттүнэн көмүскэлэ суох нэһилиэнньэҕэ араас суол чэпчэтиилэри көрөр. Оттон ону бары билэбит, бырааппытын толору туһанабыт дуо?  Мантан аллара биэнсийэ уонна онно сыһыаннаах уларыйыылар, чэпчэтиилэр тустарынан санатыһан, быһаарсан ааһыаҕыҥ.   Үлэлиир уонна үлэлээбэт киһи биэнсийэтэ Биэнсийэ күннээҕи наадыйыыны толуйбатын быһыытынан, сынньалаҥҥа тахсан да баран салгыы үлэлии хаалааччы үгүс. Оччотугар кинилэр,...
Ферум хорсун сырыыларын кэнчээри ыччата умнуо суоҕа
Дьон | 24.10.2024 | 18:00
Ферум хорсун сырыыларын кэнчээри ыччата умнуо суоҕа
2022 сыл алтынньы 19 күнүгэр Ферум Аммосов анал байыаннай дьайыыга эн биһиги туспутугар, дойдутун туһугар сулууспалыы сылдьан олоҕун толук уурбута. Сырҕан бааһы таарыйан, бииргэ төрөөбүт балтын, ону тэҥэ бойобуой доҕорун ахтыыларын чугас дьонугар, ийэтигэр, аймахтарыгар таһаарабыт. Ол ыарахан кэмнэри санаппыппар, бука диэн, алы гыныҥ дуу...   – Саргылаана, бииргэ төрөөбүт хаһыа...