11.02.2021 | 10:18

Саха кыргыттара – тустууга

Саха кыргыттара – тустууга
Ааптар: Киин Куорат

Мин эрэ буолбатах, саха кыыһа тиритиилээх-хорутуулаах, баттах ыһыллыылаах, күүһүнэн бадьыктаһыы, охсуһуу-тэбиэлэһии көрүҥнэригэр киирсэрин оччо биһирээбэт, элбэхпит. Ол гынан  бэйэлэрэ (төрөппүттэрэ көҕүлүүллэринэн дуу, бопсоллорун истибэккэ дуу) эрчиллиигэ сылдьалларын спорка үлэлээччилэр ким да буоллун хайдах үүрүөхтэрэй? Кыайыыны аҕалыах дьоҕурдааҕын көрдөхтөрүнэ күлүктэригэр имнэнэллэр. Кыргыттарга  хапсыһыы көрүҥнэрэ олимпийскай оонньууларга, “Азия оҕолоро” түһүлгэҕэ  киириэҕиттэн өссө кинилэргэ анаан секциялары аспыттара.

Нерюнгриттан саха тренердэрэ Ким Колодезников уонна Николай Рожин салалталарынан  нуучча кыргыттара оннооҕор Европа, аан дойду эдэрдэргэ чемпионаттарыгар миэстэлэһэн тураллар.  

Саха кыргыттара куораттан биирдиилээн Арассыыйаҕа бастыҥнар кэккэлэригэр киирэ сылдьыбыттара.  Аны куораттан, онтон тыа сириттэн, ордук үөһэ ааттаммыт икки тренер дойдуларыттан тахсан эрэллэр.

Соторутааҕыта Агинскайга (Забайкальскай кыраай) 16 диэри саастаахтарга Уһук Илин ФО чемпионатын түмүгүнэн наҕараада кэнниттэн хаартыскаҕа түһүүгэ элбэх оҕобут түөһүгэр мэтээл килэбэчийдэ.  Итинтэн 15-һин  уолаттар (4 кыһыл көмүһү, 2 үрүҥ көмүһү, 9 боруонсаны) кэппиттэр. Кыргыттар да хаалсыбатылар. 9 мэтээли илин кэбиһэр оҥоһуннулар: онтон 3 кыһыл көмүстэриттэн – иккитин Наталья Ким, Сардаана Васильева, 2 үрүҥ көмүстэн иккиэннэрин Надежда Куличкина, Влада Петрова, түөрт боруонсаттан – биирин  Каролина Махарова — барыта биэс наҕарааданы Уус Алдан Бороҕонугар –  өрөспүүбүлүкэтээҕи спортоскуолаҕа тиэртилэр. Ити түһүлгэҕэ Анастасия Тетушкина – Мирнэйгэ, боруонса призердар Алина Кислякова – Сайдыыга, Амелия Лаптева уонна Алена Евсюкова – иккиэн Ойго эмиэ спортоскуолаларга эрчиллэр кыргыттар баалларын биллэрдилэр.  Онон бу бастакы нүөмэрдээх спорпутугар күрэхтэһиигэ кэрэ аҥаардар кэккэлэрэ лаппа хаҥыах чинчилээх.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Дьокуускайга саҥа сквер баар буолуоҕа
Сонуннар | 08.05.2022 | 09:01
Дьокуускайга саҥа сквер баар буолуоҕа
Саха АССР Конституциятын уонна Декларациятын бэлэмниир хамыыһыйа кыттыылааҕа Георгий Семенович Ефимов быйыл төрөөбүтэ 130 сылын туолла. Г.С. Ефимов 1892 сыл муус устар 10 күнүгэр Дьааҥы Бастакы Дьуhаал (билиҥҥи  Дулҕалаах) нэһилиэгэр Семен Васильевич Ефимов-Дьуhаал Сэмэн дьиэ кэргэнигэр төрөөбүтэ. Дьэкиимэп аҕа ууhуттан өрөбөлүүссүйэ иннинэ Дьааҥы биллэр баайдара, меценаттара, үөрэхтээхтэрэ, улуус кулубалара үөскээбиттэрэ....
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...