03.03.2022 | 14:00

Саха киинэтэ Арассыыйа киэҥ эйгэтигэр эрэллээхтик тахсар

Саха киинэтэ Арассыыйа киэҥ эйгэтигэр эрэллээхтик тахсар
Ааптар: Киин Куорат
Бөлөххө киир

Өрөспүүбүлүкэтээҕи киинэ ситимин генеральнай дириэктэрэ Петр Чиряев саха киинэлэрэ санкция да кэмигэр Арассыыйа ырыынагар саҥа сайдыыны ылалларыгар бүк эрэллээх. 
«Саха киинэтэ Арассыыйа ырыынагын таһымыгар эрэллээхтик тахсар. Лиэнтэлэрбит араас киинэ бэстибээллэригэр кытталлар, бириистэргэ тиксэллэр. Билигин түргэтииллэрин курдук ити хайысханан өйүөхпүтүн наада. Киэҥ араҥаҕа ордук нууччалыы хаачыстыбалаахтык тылбаастаммыт (дубляж) киинэлэр тахсаллар. Холобур, „Рядовой Чээрин“, „Тыгын Дархан“, «Пугало»», — диир Петр Чиряев.
Эксперт этэринэн, элбэх сахалыы киинэ нууччалыы тылбааска наадыйар. Кини бэлиэтээбитинэн, киинэ сюжета көрөөччүгэ чугас уонна өйдөнүмтүө буолуон наада. 
Билиҥҥи кэмҥэ үгүс саха киинэтэ «артхауснай», олохтоох көрөөччүгэ туһаайыллыбыт. Итини тэҥэ сюжеттара олохтоох үгэстэргэ, өйгө-санааҕа олоҕураллар. Петр Чиряев бэлиэтээбитинэн, Москваҕа сотору-сотору «Саха киинэтин күннэрэ» ыытыллаллар. Кинилэр түмүктэринэн киинэ устааччылар тустаах сыанабылы ылаллар. 
«Киинэ уратытын туһунан режиссердар билиһиннэрэр буоллахтарына, холобур,  „Пугало“ киинэҕэ курдук, оччоҕо ааптар тиэрдэ сатаабыт идиэйэлэрэ өйдөнүмтүө буолаллар. Ыччат бэстибээлгэ буолбакка, бэйэтэ көрөр буоллаҕына, «артхауснай» киинэлэри өйдөөбөт. Ити хайысханан үлэлиэхпитин наада», — диэн эбэн эттэ Петр Чиряев.
Кини олохтоох оҥорон таһаарааччылар киинэ киэҥ араҥаҕа тахсарыгар дьулуһуохтаахтар диэн тоһоҕолоон бэлиэтээтэ.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.