Саха кэнгириэһин сүҥкэн оруола

Бэс ыйын 27  күнүттэн «Саха кэнгириэһэ» уопсастыбаннай тэрилтэ II-c сийиэһин үлэтэ саҕаламмыта. Устаапка олоҕуран, хас үс сыл ахсын бэрэссэдээтэли, сүбэни уонна салалтаны саҥаттан талабыт. Онон сийиэс бастакы күнүгэр делегаттар бэрэссэдээтэлинэн Уйбаан Уйбаанабыс Шамаевы таллылар. Оттон Кэнгириэс сүбэтигэр Дьокуускайтан 25, улуустартан 45, салалтаҕа 15 киһи тылылынна.

Мунньахха Саха кэнгириэһин үс сыллаах отчуотун иһиттибит. Тыҥаан турар балаһыанньа, сытыы кыһалҕалар тула хорутуулаах ырытыылар, сэргэх тыл этиилэр, ыҥырыылар иһилиннилэр.  

Бүгүн, бэс ыйын 28 күнүгэр, инники үлэ былаана оҥоһуллуохтаах. Эбии кэмитиэттэр тэриллиэхтээхтэр уонна улуустарга салаалар үлэлэрэ торумнаныахтаах. Кэнгириэс бастакыта 9 кэмитиэтинэн үлэлэээбитэ.

Улахан мунньах түмүгэ туһаайыы сурук быһыытынан өрөспүүбүлүкэ салалтатыгар барыахтаах.

Мунньахха төһө да билиҥҥи былаас чөмчөкөлөрүн бэрэстэбиитэллэрэ соччо-бачча көстүбэтэхтэрин иһин, саха судаарыстыбаннаһын көмүскүүр, сахалыы тыыннаах дьон интэриэһин туруорсар уорган быһыытынан кэнгириэс сүҥкэн оруоллаах.