01.06.2023 | 16:00

Саха гимназиятыгар — Аҕа сыла!

Ыам ыйын 27 күнүгэр Дьокуускай куорат Саха гимназиятын кэлэктиибэ, үөрэнээччилэр, төрөппүттэр самаан сайыны уруйдуур, күөххэ үктэммит үрдүк үөрүүнү бэлиэтиир саха киһитэ эрэ барыта кэтэһэр, күүтэр бырааһынньыгар – Ыһыахха муһуннулар.
Саха гимназиятыгар — Аҕа сыла!
Ааптар: Наталья Кычкина
Бөлөххө киир

Бу күн төһө да тымныы тыал үрдэр, күммүт чаҕылыччы тыган, мустубут оҕолор, ыалдьыттар, төрөппүттэр бука бары сүргэлэрэ көтөҕүллэн, үөрэ-көтө мустан, оҥостуу, түһүлгэлэри киэргэтии, кэлии-барыы сарсыарда эрдэттэн саҕаланна. Кылааһынан бары биир тэҥ сахалыы таҥастаах оҕолор сир симэхтэрэ буолан сибэккилии киэргэннилэр, алаас күөрэгэйдэринии чуопчаардылар, хонуу ньургуһуннарын курдук толоону симээтилэр.

Владимир Павлович Кылыяров, 6 “А” кылаас төрөппүтэ:

– Быйыл Саха гимназиятыгар Аҕа сыла биллэриллибитэ, ол иһин аҕалар “Эрчимэн Бэргэн” диэн күрэҕи улахан кылаас оҕолоругар тэрийэбит. Бу күрэхтэһиини биһиги кылаас аҕалара оҕолорбут иккис кылааска үөрэнэ сырыттахтарына саҕалаабыппыт. «Үс төгүл үс», ырааҕы быраҕыы, сүүрүү курдук көрүҥнэр киирэллэр. 8-10 кылаас уолаттара кытталлар, онон ыйааһыннаах көрүҥнэри киллэрбэппит, саастарынан, күүстэринэн кыра кылаастар сабырыйтараллар диэммит. Кылаастар икки ардыларыгар эмиэ атын күрэхтэһии баар, иккилии аҕа эмиэ туһунан кытталлар, кыайыылаахтарга Кубок бэлэмнэнэн турар. “Эрчимэн Бэргэн” бирииһин биһиги кылаас аҕалара бэйэбит кыттыһан туруордубут. Бастаабыт оҕоҕо – воздушка саа, иккис миэстэҕэ – утуйар мөһөөччүк, үһүс миэстэҕэ – сыаналаах мээчик.

Инга Валерьяновна Хомподоева, 1 “В” кылаас салайааччыта:

– Ыһыах биһиги оскуолаҕа сылын аайы ыытыллар. Бастакы кылаастан ахсыс кылааска диэри уонна онус кылаас оҕолоро, үлэһиттэрэ, төрөппүттэрэ бары сахалыы таҥнан-симэнэн кэлэбит, бары кылаастарынан тус-туспа түһүлгэ тэрийэбит. Урут түһүлгэҕэ куонкурустар, күрэхтэр буолаллар этэ, саха аһыгар эҥин. Кэнники сылларга көрүү эрэ диэн буолар уонна сахалыы сиэринэн ыалдьытымсах үгэһи тутуһан кэлбит ыалдьыттары сахалыы алаадьынан күндүлээһин, көрсүһүү сиэрэ-туома ыытыллар. Онтон ыһыахпыт үөрүүлээх арыллыытыгар кылаастарынан, оҕолуун, төрөппүттүүн, учууталлыын бары сэлэлии хааман киирэбит. Ол кэнниттэн ырыа-тойук тардыллар, тэрээһин арааһа, оҕолорго оһуохай таһаарыыта, дьиэ кэргэнинэн күрэх уонна “Эрчимэн Бэргэн” диэн улахан кылаас уолаттарыгар күрэхтэһии буолар. Ыһыытынан-хаһыытынан, сорох көрүҥнэринэн бэйэтэ Дыгын оонньуутугар тэҥнээх курдук ыытыллар. Онтон кыра кылаас оҕолоругар уһуну ыстаныы, сүүрүү, эстафета курдук күрэхтэһиилэр ыытыллаллар, кылаастарынан оһуохайдыыллар.  Быйылгы уратыбыт диэн Аҕа сыла биллэриллэн, аҕалар күрэхтэһиигэ кыттыахтаахтар.

Бастакы кылаастар бастакы ыһыахтара буолар, кинилэргэ үтүө өйдөбүлү иҥэрии түһүлгэттэн, киэргэтииттэн саҕаланар, ыытыллар күрэхтэргэ барытыгар кытталлар, кылааһынан бары сахалыы таҥнан кэлэбит, көстүүм тиктэрдибит, салама баайдылар, сахабыт аһын көрдөрүөхпүт, бары бииргэ аһааһын диэн тугун билиэхпит.

Куорат усулуобуйатыгар олорор оҕолор ыһыахха биирдэ эмит сылдьыбыт буолаллар, билбэт оҕолор да бааллар. Мантан ыла кинилэр ыһыах диэни сөбүлээн, сыл аайы кэтэһэн, төрүт үгэстэри билэн, сахалыы таҥнар диэни өйдөөн, саха таҥаһын сыаналаан бараллар. Биһиги кыра эрдэхтэриттэн иҥэрээри бу курдук ыһыахтары тэрийэбит.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Ытык сирдэнэр буоллубут!
Куорат олоҕо | 09.05.2024 | 18:00
Ытык сирдэнэр буоллубут!
Кулун тутар 15 – муус устар 30 күннэригэр ыытыллыбыт Бүтүн Арассыыйатааҕы рейтиннээх куоластааһыҥҥа Саха сириттэн хаһааҥҥытааҕар да элбэх – 125 156 киһи кыттыыны ылбытын туһунан Ил Дархан уонна Бырабыыталыстыба пресс-сулууспата иһитиннэрэр.   Ол иһигэр Дьокуускай куораттан былырыыҥҥытааҕар икки төгүл элбэх – 52 271 киһи куоластаабыт (былырыын – 29 679 киһи).  «Куорат...
Саха сириттэн сэриигэ  ат хомуура
Сонуннар | 09.05.2024 | 12:00
Саха сириттэн сэриигэ ат хомуура
1941-1945 сыллардааҕы Аҕа дойду Улуу сэриитигэр дойду үрдүнэн ат хомуура диэн барбыта. Сэриигэ киһини кытта тэҥҥэ биир төһүү тыыннаах күүһүнэн ат буолбута. Кыһыл Аармыйа 1 мөлүйүөн 9 тыһыынча атыттан сэриигэ мөлүйүөнтэн ордугун сүтэрбитэ.   Аты таһар-тиэйэр күүс быһыытынан эрэ буолбакка, кавалерияҕа кытта туһаммыттара. Байыаннай-ветеринарнай сулууспа күүскэ үлэлээбитэ. Маныаха 6507 ветврач уонна...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...