Саха АССР төрүттэммитэ 100 сыла: 365 хонук хаалла!
Бу эппиэтинэстээх үлэҕэ ааттаах-суоллаах экспертэр кыттыбыттарын кэпсээтилэр. Тутаах дизайнерынан Ростислав Павловы ааттаатылар.
Үбүлүөй эмблемаларынан үс сүрүн бэлиэ буолла. Биир өттүгэр дьол-соргу, үтүө турук бэлиэтэ – сэргэ ойууламмыт. Ортотугар – Саха Өрөспүүбүлүкэтин судаарыстыбаннай гиэрбэтэ. Иккис өттүгэр саха үйэлээх халандаара көстөр.
Киэргэтии истиилигэр өрөспүүбүлүкэ былааҕын, дьүкээбил өҥнөрө, геометрическай формалар уонна судургу пиктограммалар, саха оһуора-мандара туттуллубуттар. Ол курдук, көҕүөр ойуу уостубат уйгуну, быстыбат быйаҥы, үүнүүнү-сайдыыны кэрэһилиир. Сибэкки ойуу хамсааһыны, олоххо күүһү бэлиэтиир. Сүрэх ойуу тапталы уонна өйдөһүүнү туоһулуур.
Бу эмблемэни тэрээһиннэргэ, сувенирнай уонна бэчээт бородууксуйаларыгар, көрдөрөр-иһитиннэрэр эйгэҕэ туттуохтара.
Сонуннар
Ордук ааҕаллар
