Саха АССР 100 сылыгар анаммыт култуура тэрээһиннэрэ

Өрөспүүбүлүкэ театрдара Саха АССР төрүттэммитэ 100 сылыгар анаан кулун тутар саҥатыгар премьералары уонна кэнсиэртэри бэлэмнииллэр. Ити туһунан Саха АССР 100 сылыгар анаммыт сайтка этиллэр. 
Сайт информациятынан, кулун тутар 1 күнүттэн опера уонна балет Театрыгар «Якутия. Классика. Современность» диэн улахан кэнсиэр бырагыраамата саҕаланар. Кулун тутар 3 күнүгэр Олоҥхо Театрыгар «Уоттаах болот оонньуурдаах Улуу Даарын бухатыыр» премьерата буолар. 
Кулун тутар 4 күнүгэр А.С. Пушкин аатынан Нуучча театрыгар Япония драматурга Коки Митани пьесатынан «Академия смеха» туруоруу, онтон кулун тутар 11 күнүгэр Бунин, О. Генри уонна Куприн айымньыларынан «Весна души» испэктээк-кэнсиэр премьералара буолуоҕа. 
Кулун тутар 12 күнүгэр П.А. Ойуунускай аатынан Саха театрыгар, Саха АССР төрүттэммитэ 100 сылынан, Эрилик Эристиин «Маарыкчаан ыччаттара» романынан испэктээк премьерата буолара күүтүллэр (туруорааччы Сергей Потапов). 
Каассаларга билиэттэри атыылааһын саҕаланна.