Саастарын ситэ илик оҕолор хамыыһыйалара түүҥҥэ эриэйдэҕэ сырытта

Бэс ыйын 19 күнүгэр Олохтоох дьаһалта сокуоннай саастарын ситэ илик оҕолор дьыаларыгар конна кинилэр бырааптарын араҥаччылааһыҥҥа хамыыһыйата түүн уопсастыбаннай миэстэлэргэ төрөппүт эбэтэр сокуоннай бэрэстэбиитэл арыала суох сылдьар саастарын ситэ илик оҕолору бэрэбиэркэлээтэ.
Эриэйдэҕэ хамыыһыйа бэрэссэдээтэлэ, Дьокуускай куорат Олохтоох дьаһалтатын баһылыгын социальнай боппуруостарга солбуйааччы Наталья Степанова, бэрэссэдээтэли солбуйааччы Егор Охлопков, Оҕону дьиэ кэргэҥҥэ иитиигэ үлэлиир «Берегиня» киин, Дьарыктаах буолуу киинин, социальнай көмүскэл управлениетын, Олохтоох дьаһалта уопсастыбаннай сибээскэ, ыччат политикатыгар управлениетын, ИДЬМ бэрэстэбиитэллэрэ о.д.а. кытыннылар. 
Сайсары күөл кытылыгар, Хомсомуол болуоссатыгар, Таалай күөл таһыгар мустубут ыччаттары кытта бэсиэдэ ыытылынна, сокуону кэһии түбэлтэтэ бэлиэтэммэтэ, диэн иһитиннэрэр Олохтоох дьаһалта пресс-сулууспата.