29.05.2024 | 10:10

Сааскы халаан хоромньута 1,7 млрд солк. куоһарда

Сааскы халаан хоромньута 1,7 млрд солк. куоһарда
Ааптар: Киин Куорат
Бөлөххө киир

Бырабыыталыстыба бэрэссэдээтэлин бастакы солбуйааччы Дмитрий Садовников халаантан эмсэҕэлээбит оройуоннарга чөлүгэр түһэрии үлэтин тэрийэр ыытар штаб мунньаҕар хоромньу кээмэйэ 1,7 млрд тахсыбытын иһитиннэрдэ.

Ситэриилээх былаас уорганнарын, тэрилтэлэр салайааччылара кыттыылаах мунньах халаантан ордук эмсэҕэлээбит Ньурба, Өлүөхүмэ, Нам оройуоннарыгар инфраструктураны чөлүгэр түһэрии, нэһилиэнньэҕэ көмөнү оҥоруу боппуруостарын дьүүллэстэ, инники соруктары торумнаата. 

Маны сэргэ быйылгы халаан барыллаан хоромньутун иһитиннэрдилэр. Ол курдук, Нам, Өлүөхүмэ, Ньурба улуустарыгар уу уопсайа 25 нэһилиэги ылан, барыллаан 857 олорор дьиэ, 3497 киһи эмсэҕэлээбит. 
Ыам ыйын 27 күнүнээҕи туругунан 5000 тахса киһиттэн хоромньуну оһорунар төлөбүргэ сайабылыанньа киирбит. Госуслуги портал нөҥүө төлөбүргэ сайабылыанньалар киириилэрэ салҕанар. Барыллаан ааҕыынан, быйылгы халаан хоромньута 1,7 млрд солк. куоһарбыт, ол иһигэр: тырааныспар уонна суол хаһаайыстыбатыгар – 600 мөл. солк. тахса, энергетикэ уонна хомунаалынай хаһаайыстыба эбийиэктэригэр – 100 мөл. солк. тахса, тутуу эйгэтигэр – 500 мөл. солк. тахса, тыа хаһаайыстыбатыгар – 144 мөл. солк., үөрэхтээһиҥҥэ – 100 мөл. солк. тахса, промышленнаска – 7,5 мөл. солк. тахса.
Бу күннэргэ бары эмсэҕэлээбит оройуоннарга чөлүгэр түһэрии, хомунуу, ыраастаныы, өрөмүөн үлэтэ күргүөмнээхтик бара турар. Муниципальнай суоллары чөлүгэр түһэрии СӨ Суол пуондатыттан үбүлэнэр, өрөспүүбүлүкэ таһымнаах суоллары чөлүгэр түһэрии – суолу көрөр-истэр тэрилтэлэринэн. 
Нам оройуонугар эбийиэктэри – гаас ситимигэр, Өлүөхүмэҕэ электричество уотун ситимигэр холбооһун салҕанар. Сыл аайы ууга баран, чөлүгэр түһэриллибэт гына эмсэҕэлээбит 11 элбэх кыбартыыралаах уонна 4 чааһынай дьиэлээх дьоҥҥо РФ тутууга министиэристибэтэ субсидия көрөр. 34 урбаанньыкка туһааннаах министиэристибэ нөҥүө аадырыстаах көмө оҥоһуллар.
Санатар буоллахха, ыам ыйын 20 күкүгэр Ил Дархан Айсен Николаев сааскы халаанынан өрөспүүбүлүкэ таһымнаах ыксаллаах быһыы-майгы эрэсиимин биллэрбитэ. Халаантан эмсэҕэлээбит нэһилиэнньэҕэ төлөбүрдэр 2-4 төгүл индексацияланан, биир киһиэхэ ананар харчынан суума кээмэйэ 10 тыһ. солк. диэри үрдээбитэ, бастаан утаа туттуллар баайы-дуолу сүтэрбиттэргэ төлөбүр кээмэйэ 100 тыһ. солк. диэри улааппыта, диэн иһитиннэрэр Ил Дархан уонна Бырабыыталыстыба пресс-сулууспата.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...