Саамай элбэх үбүлээһин – хаарбах дьиэттэн көһөрүүгэ
Өрөспүүбүлүкэ бырабыыталыстыбатын бэрэссэдээтэлэ Андрей Тарасенко 2022 сылга национальнай бырайыактар олоххо киириилэрин иһитиннэрдэ. Сүрүн хайысханан хаарбах дьиэттэн көһөрүү бырагырааматын үбүлээһин буолар.
Национальнай бырайыактары олоххо киллэриигэ Саха сирэ 2022 сылга Уһук Илин регионнарыгар лидер быһыытынан ааттанна. Ол курдук, премьер бэлиэтээбитинэн, национальнай бырайыактары туһаныы 96%-ҥа тэҥнэстэ, манна 47,38 миллиард солкуобайдаах үп көрүллүбүт.
«Саамай элбэх үбүлээһин эргэ уонна хаарбах дьиэттэн көһөрүүгэ угулунна. ОДьКХ пуондатын усулуобуйатынан, көһөрүү бырагырааматын түһүмэҕинэн үлэ икки сыл иһигэр ыытылынна, оттон үбүлээһин бастакы сылтан көрүллэр. Быйыл хаарбах дьиэттэн көһөрүү былааннаммыт үлэтэ барыта толоруллуоҕа», — диэтэ Андрей Тарасенко.
2022 сылга национальнай бырайыактары олоххо киллэриигэ барыта 71,6 миллиард солкуобайтан тахса үп ыытыллыбытыттан, 19,9 миллиард солкуобай – федеральнай бүддьүөттэн, 40,17 миллиард солкуобай – ОДьКХ пуондатыттан. ОДьКХ пуондатыгар «Олорор дьиэ уонна куорат эйгэтэ» национальнай бырайыагы киллэриигэ үп икки сылга көрүллүбүт (2022 сылга – 17,9 миллиард, оттон 2023 сылга — 22,26 миллиард солкуобай). Итиэннэ өрөспүүбүлүкэ судаарыстыбаннай бүддьүөтүттэн 10,72 миллиард солкуобай, муниципальнай бүддьүөттэн 782,1 мөлүйүөн солкуобай туһаныллыбыт.
Сонуннар
Ордук ааҕаллар
