Саҥа сайт сүрэхтэннэ

СӨ Баһылыгын уонна Бырабыыталыстыбатын дьаһалтатын пресс-сулууспата иһитиннэрэринэн, манна өрөспүүбүлүкэ историятын сүрүн түһүмэхтэрэ киириэхтэрэ, Саха сирин сайдыытыгар сүҥкэн кылааттарын киллэрбит тумус туттар дьоммут тустарынан туһалаах архыып матырыйааллар баар буолуохтара.

Дьон кинигэлэр, научнай үлэлэр цифровой барыйааннарын булан ааҕыахтара, Саха сирин музейдарыгар виртуальнай туурдарга сылдьыахтара, документальнай уонна уус-уран киинэлэри, испэктээктэри онлайн көрөр кыахтаныахтара. Ону таһынан, тиэмэлэринэн араас куонкурустар, тургутуктар, викториналар, норуот куоластааһыннара ыытыллыахтара.

https://100yakutia.ru/ сайтан Саха АССР төрүттэммитэ 100 сыллаах үбүлүөйүгэр аналлаах тэрээһиннэр сонуннарын, былааннарын ааҕа, билэ-көрө олоруоххут.