Саҥа салаа аһылынна
![Саҥа салаа аһылынна](https://kiinkuorat.ru/wp-content/uploads/2021/07/PwWs2uxT6Y.jpg)
Киин куоракка ыарыыны сэрэтэр көрдөрүнүү (профосмотр) саҥа салаата Автодорожнай уул., 38 аһылынна. Ол туһунан регионнааҕы доруобуйа харыстабылын пресс-сулууспата иһитиннэрэр.
Саҥа салааҕа быраастар – психиатр-наркологтар, психиатрдар, офтальмологтар, ЛОР, неврологтар уонна терапевтар үлэлэрин саҕалаатылар.
«Үрдүк хаачыстыбалаах өҥөлөрү оҥорор ыарыыны сэрэтэр көрдөрүнүү саҥа салаатын аһыллыыта – медицинскэй көмөнү оҥорор систиэмэҕэ, куорат уонна өрөспүүбүлүкэ нэһилиэнньэтин олохторун хаачыстыбатын үрдэтиигэ дьоһун хардыынан буолар. Дьоҥҥо табыгастаах усулуобуйаны оҥорон, доруобай буолалларыгар көмө буолуохпут диэн эрэнэбит», - диир Дьокуускайдааҕы өрөспүүбүлүкэ наркологическай диспансерын кылаабынай бырааһа Альбина Сивцева.
Саҥа салааҕа барыта дьоҥҥо табыгастаах усулуобуйаны оҥорор курдук толкуйдаммыт – кэбиниэттэр быраастарга сылдьар (обходной) лиис бэрээдэгинэн тураллар. Маны сэргэ ыарыыны сэрэтэр көрдөрүнүүнү биир күн иһинэн ааһыллар.
Саҥа салаа өҥөлөрүн испииһэгэр – үөрэххэ, үлэҕэ киирэргэ, автотырааныспары ыытарга, сааны ыларга ыспыраапкалары биэрии баар. Сотору кэминэн өҥө ахсаана элбэтиллэрэ былааннанар.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)