Саҥа наҕараада баар буолла
Куорат Дууматын дьокутааттара 2022 сыл ахсынньы 21 күнүгэр ылыллыбыт «2023 сылга уонна былааннаах 2024-2025 сылларга «Дьокуускай куорат» Куорат уокуругун бүддьүөтүн туһунан» сокуоҥҥа уларытыылары киллэрэн баран, наҕараадалааһын боппуруостарын көрдүлэр.
Ол курдук, куорат иһигэр «Дьокуускай куорат» куорат уокуругун тыатын хаһаайыстыбатыгар кылаатын иһин» саҥа анал бэлиэни олохтуур туһунан быһаарыыны ылыннылар. Саҥа наҕараада тыа хаһаайыстыбатын бородууксуйатын оҥорон таһаарааччылары, тыа хаһаайыстыбатын тэрилтэлэрин исписэлиистэрин, агропромышленнай комплекс үөрэҕин кыһаларын уонна научнай тэрилтэлэр үлэһиттэрин, судаарыстыбаннай, гражданскай сулууспалаахтары өйүүр, Дьокуускай куорат агропромышленнай комплексыгар уонна агропояһыгар кылааттарын билинэр, сыаналыыр сыаллаах.
Куорат Дуумата маны сэргэ “Кангалаас» ТОС (Уопсастыбаннай бэйэни салайыныы территорията) кыраныыссатын бигэргэттэ, «Дьокуускай куорат» куораттааҕы уокурук муниципальнай сулууспалаахтарыгар бастакы уонна уочараттааах чыыннары иҥэрии туһунан быһаарыыны ылынна, «Дьокуускай куорат үп-экономическай эйгэтигэр үтүөлэрин иһин», «Дьокуускай куорат доруобуйатын харыстабылыгар үтүөлэрин иһин», «Киин куорат үөрэхтээһинин сайыннарыыга кылаатын иһин» анал бэлиэлэринэн наҕараадалааһын туһунан боппуруостары көрдө. Бу туһунан Дьокуускай куорат Дууматын пресс-сулууспата иһитиннэрэр.
Сонуннар
Ордук ааҕаллар
