Саҥа дьыллааҕы сынньалаҥҥа ханна бараҕыт?

ҮҮНЭР КӨЛҮӨНЭ ТЫЙААТЫРА

“Саҥа дьыллааҕы остуоруйа”

Үүнэр көлүөнэ тыйаатыра кырачааннары “Саҥа дьыллааҕы остуоруйа” диэн интерактивнай дьүһүйүүгэ ыҥырар. Эһигини оонньуулар, куонкурустар, көрдөөх аниматордар күүтэллэр, Тымныы Оҕонньор Хаарчаананы кытта оҕолору эҕэрдэлиэхтэрэ. Интерактивнай тыйаатырга көрөөччүлэр дьүһүйүүгэ кытталлар: артыыстары кытта бииргэ үҥкүүлүүллэр, оонньууллар уонна үөрэнэллэр.

Тохсунньу 2-7 күннэрэ; 12:00 ч.

“Саҥа дьыллааҕы утренник”

Үүнэр көлүөнэ тыйаатыра Саҥа дьыллааҕы утренникка ыҥырар. Тэрээһин бырагыраамата: “Щелкунчик уонна Кутуйахтар хоруоллара” остуоруйа, хоровод, оонньуулар, куонкурустар, Тымныы Оҕонньор уонна Хаарчаана эҕэрдэлэрэ.

Тохсунньу 2-6 күннэрэ, 15:00 ч.

“Тускул” оҕо устуудьуйатын “Радуйся, мир” кэнсиэрэ.

Тохсунньу 7 күнэ, 15:00 ч.

САХА ТЫЙААТЫРА

“Уот уола уонна Хаарчаана”

Саха тыйаатырын үрдүк түһүлгэтэ «Уот уола уонна Хаарчаана» испэктээккэ ыҥырар. Кыттыыны ылаллар: Паулина Турмэль, Иннокентий Томскай, Анастасия Алексеева, Айгылаан, Георгий Бессонов, Дмитрий Хоютанов, Олимпия, Ника, Бүөккэ Бөтүрүөп, Виталий Очиров, Айтал Яковлев уо.д.а. Ону таһынан бырааһынньыгы бастыҥ үҥкүү бөлөхтөрө киэргэтиэхтэрэ.

Ахсынньы 26-29 күннэригэр 19:00 ч., тохсунньу 3-5 күннэригэр 16:00 уонна 19:00 чч.

“Хаарчаана”

Өссө биир алыптаах остуоруйа – “Хаарчаана” диэн Саҥа дьыллааҕы дьүһүйүү.

Дьэрэкээн көстүүмнэрдээх, сэргэх хамсаныылардаах, тэтимнээх үҥкүүлээх, ырыалаах-тойуктаах, мүччүргэннээх сырыылардаах, үүнэр көлүөнэни иитэр-такайар суолталаах сахалыы туруорууга оҕолору уонна төрөппүттэри күүтэллэр.

Тохсунньу 3-7 күннэрэ, 11:00 ч.

НУУЧЧА ТЫЙААТЫРА

“Миша Бальзаминов дьолу көрдөөбүтүн туһунан”

Александр Островскай “Праздничный сон до обеда”, “Свои собаки грызутся, чужая не приставай», «Женитьба Бальзаминова» пьесаларыгар олоҕурбут испэктээк.

Ахсынньы 28, тохсунньу 2-6, 8 күннэрэ; 18:00 ч.

ОПЕРА УОННА БАЛЕТ ТЫЙААТЫРА

“Щелкунчик”

Петр Чайковскай Эрнст Гофман “Щелкунчик” остуоруйатыгар олоҕурбут икки чаастаах балета. Көрөөччүлэри дьиҥ ороһуоспатааҕы, алыптаах остуоруйа уонна улуу Чайковскай муусуката күүтэр.

Ахсынньы 29; тохсунньу 3, 5, 13, 14 күннэрэ, бириэмэтин саайтка чуолкайдааҥ.

“Морозко”

Нуучча норуодунай остуоруйата: үлэһит кыыс уонна кини сүрэҕэ суох балтыта Морозко саарыстыбатыгар түбэһэн, үлэлээн-хамнаан, үлэлэригэр сөптөөх манньаны ылбыттарын туһунан кэпсээн. Театр опернай труппата, симфоническай оркестра уонна хор уонна балет кыттыахтара.

Тохсунньу 6 күнэ, 12:00 ч.

ЭСТРАДА ТЫЙААТЫРА

“Көмүс күлүүс эбэтэр Буратино мүччүргэннээх сырыыта”

Алексей Толстой остуоруйатынан туруоруллубут “Көмүс күлүүс эбэтэр Буратино мүччүргэннээх сырыыта” мусукаалынай дьүһүйүү.

Тохсунньу 2-6 күннэрэ; 12.00 уонна 14.00 чч.

ЦИРК

“Вилли Вонканы кытта саҥа дьыллааҕы мүччүргэннээх сырыы”

Чаҕылхай нүөмэрдэрдээх, фокустардаах, көрдөөх клоуннардаах уонна симэммит харыйалаах бырааһынньыктааҕы дьүһүйүү. Бу күн Тымныы Оҕонньор сиэнэ Хаарчааналыын уонна саҥа 2024 сыл хаһаайына Дракошаны кытта оҕолору эҕэрдэлээн, бырааһынньыктааҕы настарыанньаны бэлэхтиэхтэрэ. Тэрээһиҥҥэ көрдөөх оонньуулар, куонкурустар баар буолуохтара.

Ахсынньы 20-30 күннэрэ; 10:00 ч.

“Туундара күнэ”

Хоту дойду норуоттарын остуоруйаларыгар олоҕурбут испэктээк кырачааннарга үтүө уонна мөкү, таптал уонна кыһамньы туһунан сэһэргиир.  Арай биирдэ ыал аҕата ыраах бултуу барар, оттон ийэлэрэ уокка мас бэлэмнии тахсыбытыгар, оҕолоро көрүлүү, оонньуу сылдьаллар. Бу кэмҥэ кулуһун кыыма Бурҕа ийэлэрин сонун уматар. Оччотугар Хоту дойду хотуна уордайан... Чэ, салгыытын испэктээккэ көрүөххүт.

Ахсынньы 29-30 күннэригэр 15:00 ч.; тохсунньу 2-8 күннэригэр 12:00, 15:00, 18:00 чч.; тохсунньу 13-14 күннэригэр 12:00, 15:00 чч.

 “Ороһуоспа алыба 2: Дракон кистэлэҥэ”

Уоттаах-күөстээх шоуну аан дойду таһымнаах иллюзионист Адиль Каипов уонна талааннаах фокусник Дьулустаан Павлов оҕолорго уонна төрөппүттэргэ анаан бэлэмнээбиттэр.

Буолар сирэ: “Кыайыы 50 сыла” спорт дыбарыаһа,  тохсунньу 3-7 күннэрэ, 15:00; 18:00 чч.

“СЭРГЭЛЭЭХ УОТТАРА”

“Саҥа дьыл 2024”

"SUORATT уонна HITSprod" Саҥа дьыллааҕы көр-күлүү киэһэтэ. Тохсунньу 7, 8, 13, 14 күннэрэ, 18:00 уонна 20:30 чч.

«САХАЛЫЫ СТЕНДАП» көр-күлүү киэһэтэ. Кыттыыны ылыахтара: Илья Попов, Саид Григорьев, Олег Румянцев, Дьулусхан Андросов, Кеш Иванов, Аделфос.

Тохсунну ый 2 күнэ, 20:00 ч.