Саҥа дьыллааҕы харыйаны бэлэмниибит

Дьон-сэргэ таптыыр, күүтэр бырааһынньыга – Саҥа дьыл чугаһаатар чугаһаан иһэр. Кини арахсыспат аргыһа – өрүү күөх харыйа. Маҕаһыыҥҥа төһө да оҥоһуу харыйа арааһа элбэх буоллар, сорох дьон дьиҥнээх харыйаны туруоралларын ордороллор. Ахсынньы ыйыгар Саха сирин олохтоохторо дьиэ кэргэн бырааһынньыгар харыйаны бэйэлэрэ быһан ылар кыахтаннылар. Бу туһунан ойуур хаһаайыстыбатыгар иһитиннэрдилэр.
Ол курдук, ким баҕалаах чугастааҕы ойуур хаһаайыстыбатыгар тиийэн харыйаны атыылаһар туһунан дуогабар түһэрсэр. Харыйа ахсааныгар хааччахтааһын суох, ол эрэн ылан баран атыылыыр көҥүллэммэт. 
Харыйа сыаната үрдүгүттэн тутулуктаах (сыаната биирдии устуукаҕа ыйыллыбыт):
1 м диэри – 45,26 солк.;
1,1-2 м – 70,41 солк.;
2,1-3,0 м – 150,87 солк.;
3,1-4 м – 208,70 солк.;
4,1 м үрдүк – 266,54 солк.
Ойуурга харыйаны быһарга дуогабара суох барар көҥүллэммэт. Саҥа дьыл иннинэ ойуур инспектордара уонна полиция сотрудниктара эриэйдэлэри күүһүрдэллэр.  
Көҥүлэ суох, сокуону кэһэн туран харыйаны эбэтэр бэс маһы быстахха административнай ыстараап суоһуур – 3000 солк. 4000 солк. диэри.
Сокуону кэһэн саҥа дьыллааҕы харыйалары атыылааһын иһин ыстараап – 1000 солк. 100000 солк. диэри.
Итини таһынан, хоромньуну уйуналлар. Ол курдук, 5000 солк. тахса буоллаҕына холуобунай дьыала көбүтүллэр. Оттон харыйаны быһа снегоходунан эбэтэр массыынанан кэлбит буоллахтарына, тырааныспары былдьыыллар. 
Саҥа дьылга эрдэттэн бэлэмнэниҥ, бырааһынньыгы үөрэ-көтө көрсүҥ!