29.12.2021 | 13:00

Саҥа дьыллааҕы эриэккэс десертэр

Саҥа дьыллааҕы эриэккэс десертэр
Ааптар: Киин Куорат

«Харыйа» профитроли

Састааба: 130 мл үүт, 100 г арыы, 5 сымыыт, 140 г бурдук, 1 ч.нь. саахар, 0,5 ч.нь туус, маҥан шоколад.

 

Крокант оҥорорго: 50 г ынах арыыта, 60 г коричневай саахар, 60 г бурдук, гелевай кырааскалар.

 

Начыыныгар: 110 г клюква пюре, 210 г малина пюре, 70 г сымыыт уоһаҕа (быһа холоон 4,5 уст.), 100 г саахар, 15 г кукуруза крахмала, 20 г бурдук, 33–35% 170 г сүөгэй, розмарин лабаата.

 

1. Крокант оҥоробут. Арыыны сымныар диэри туруора түһэбит. Ингредиеннэрин барытын бииргэ холбуубут. Миксеринэн ытыйыахха сөп. Икки тэҥ чааска араарабыт, 1-2 мм халыҥнаах гына тэнитэн баран, тоҥоро уурабыт. Төгүрүктэри быһабыт (эбэтэр атын быһыылыаххытын сөп). Эмиэ тоҥоробут.

 

2. Профитроль оҥорорбутугар бастаан үүтү көстүрүүлэҕэ кутабыт, үүт саҕа ууну эбэбит, арыы, саахар уонна туус кутан баран оргутабыт. Бурдугу сиидэлээн кутабыт, уоттан ылабыт. Тиэстэбитин эрчимнээхтик мэһийэн биэрэбит. Эмиэ мөлтөх уокка уурабыт. Уоттан ылан сымыыттары биир-биир эбэбит уонна мэһийэн иһэбит. Духуопка илииһигэр пергамент кумааҕыны эбэтэр кулинарнай ковригы тэлгиибит, теннис мээчигин саҕа кээмэйдээх гына тиэстэбитин кутабыт.

 

3. Бэлэмнээбит крокаммытын хас биирдии профитроль үрдүгэр ууран баран, 180 кыраадыска 30-ча мүнүүтэ духуопкаҕа буһарабыт. Сойутабыт.

 

4. Начыыммытын оҥорорбутугар розмарин лабаатын аҥаарын оргуйбут уунан саба кутан туруора түһэбит, сиидэлиибит. Клюква уонна малина пюретын (барыанньа да буолуон сөп) розмарин уутугар холбуубут, оргутабыт.

Сымыыт уоһахтарын саахары, бурдугу уонна крахмалы кытта холбуубут, пюребытыгар кутабыт уонна булкуйа-булкуйа 3 мүнүүтэ тэптэрэн ылабыт. Бэлэм креми блендеринэн ытыйан баран сойутабыт. Манна сүөгэйи эбэн биэриэххэ сөп.

 

5. Начыыны холодильникка туруоран сойутабыт. Кондитерскай мөһөөччүккэ кутан профитрольбыт истэрин толоробут. Маҥан сакалааты уулларан профитроль харыйа быһыыланарын курдук сааһылаан силимниибит, таптыырбытынан киэргэтэбит.

Эриэккэс трайфл

Састааба: 200 г бискибиит, 200 г саахар, 300 г ананас (компот буолуон сөп), 100 мл ананас утаҕа, 125 г гранат, 1 лайм цедрата, 50 мл ром, 200 г 33–35% сүөгэй, 30 г саахар пудрата.

 

Кокос кремигэр: 400 мл кокос үүтэ, 50 г саахар, 4 сымыыт уоһаҕа, 35 г кукуруза крахмала, 2 илиис желатин, 4 ост. нь. ром (туттумуохха эмиэ сөп).

 

Пралинетыгар: 50 г фисташка, 40 г саахар пудрата, 3 ост. нь. уу.

 

1. Пралине. Духуопканы 200 кыраадыска сылытабыт. Фисташкалары духуопка илииһигэр тэлгиибит, саахар пудралыыбыт, кыратык уунан ыһабыт. 8-10 мүнүүтэ духуопкаҕа угабыт. Сойутабыт. Бөдөҥ соҕус гына кырбастыыбыт.

 

2. Бискибииппитин кубиктыы кырбыыбыт, бакаалларга кутабыт.

3. Ананаспытын кыра гына кырбыыбыт. Саахары хобордооххо уулларан баран, ананас уонна ананас утаҕын кутабыт. Мас ньуосканан булкуйа турабыт. Оргуйбутун кэннэ гранаппытын, лимон эбэтэр лайм цедратын кутабыт, ром эбиэххэ сөп. 5 мүнүүтэ сойутабыт. Бискибиит үрдүгэр кутан өссө сойутабыт.

 

4. Кириэм оҥоробут. Желатины тымныы ууга бөскөтө уурабыт. Кокос үүтүн оргутабыт. Сымыыт уоһаҕын саахары, кукуруза крахмалын кытта холбуубут. Онно бытааннык кокос үүтүн кутабыт, быыстала суох булкуйа турабыт. Төттөрү сотейникка кутан оргутан ылабыт. Желатины эбэбит. Сойутабыт.

 

5. Трайфлга кокос кириэми эбэбит. 1 чаас холодильникка туруорабыт.

 

6. Күөрчэх оҥорон кокос кириэм үрдүгэр уурабыт. Гранатынан уонна фисташка пралиненан киэргэтэбит

Минньигэс хардаҕас

Састааба: 2 ост. нь. малина джемэ.

 

Кириэмигэр: 160 г 33% сүөгэй, 2-3 ост. нь. саахар, 160 г маскарпоне, 160 г малина, туус.

 

Остуолга уурарга: күөрчэх, сахар пудрата, малина.

Киэргэтэргэ: 100 г сакалаат, 90 мл сүөгэй.

 

Бискибииккэ: 30 г бурдук, 15 г кукуруза крахмала, 15 г какао, 100 г саахар, 2 сымыыт, 3 сымыыт уоһаҕа, 2 сымыыт үрүҥэ, ваниль экстрага, туус.

 

1. Шоколад бискибиит. Духуопканы 230 кыраадыска сылытабыт. Дуохуопка илииһигэр пергамент кумааҕыны тэлгээн баран ынах арыытынан сотобут, бурдук таммалатабыт.

Миискэҕэ бурдугу, кукуруза крахмалын, какаону холбоон, туустуубут. Атын миискэҕэ сымыыттары, сымыыт уоһахтарын уонна ваниль экстрагын холбуубут.

1 ост. нь саахары туспа уурабыт уоннааҕытын сымыыкка кутабыт. Миксеринэн 5 мүнүүтэ устата ытыйабыт. Манна бурдуктаах састааппыт аҥаарын кутан булкуйабыт. Онтон хаалбыт аҥаарын кутан эмиэ кичэйэн мэһийэбит.

 

2. Сымыыт үрүҥүн миксеринэн бытааннык ытыйабыт. 1 ост. нь. саахары эбэбит уонна кытаанах күүгэн буолуор диэри түргэнник ыйытабыт. Тиэстэбитигэр ытыллыбыт сымыыппытын кыра-кыралаан эбэбит. Духуопка илииһигэр тэнитэбит, 8 мүнүүтэ буһаран ылабыт.

 

3.Бискибииппитин духуопкаттан таһаараат, саахар пудратынан таммалатабыт. Сотторго пудрата аллараа буоларын курдук түһэрэн ылабыт, пергаменын хоҥноробут, эмиэ саахар пудралыыбыт. Рулет гына сэрэнэн эрийэн кэбиһэбит. Сойутабыт.

 

4. Малина аҥаарын джеми кытта холбуу блендердиибит. Сиидэлиэххитин сөп. Сүөгэйи саахардаан, туустаан ытыйабыт, маскарпоне эбэбит. Миксердиибит, малина пюретын уонна малинаны бэйэтин эбэн булкуйабыт.

 

5. Рулет гына эрийбит бискибииппитин көннөрөн кириэминэн сыбыыбыт, сиигин аллараа гына уурабыт. Рулеппытыттан туора быһан ылан ортотугар сыһыары тутан кириэминэн килиэйдиибит. Холодильникка сойута уурабыт.

 

6. Рулеппыт кытыытын тэҥнээн быһан биэрэбит, бүлүүһэҕэ уурабыт.

 

7.Сүөгэйи оргута уурабыт. Сакалааты кыра гына кырбаан сүөгэйгэ уулларабыт.

 

8. Шпателинэн эбэтэр лопатканан сакалаатынан рулеппытын сыбыыбыт. Мас хатырыгын курдук биилкэнэн ойуулуубут. Сойутабыт. Онтон отонунан киэргэтэбит. Сахарнай пудранан, күөрчэҕинэн хаар курдук киэргэтэбит.

«Табачааннар» бэчиэнньэ

Састааба: 75 г ынах арыыта, 80 мл үүт, 150 г кукурузнай крахмал, 100 г саахар, 1 ч.нь. разрыхлитель, ванилин, сакалаат, кэмпиэт, туус.

 

1. Сымнаабыт арыыга саахар, туус, ванилин эбэн баран ытыйабыт.

 

2. Бурдугу, крахмалы эбэбит, разрыхлитель кутабыт. Кураанах ингредиеннэрин кыра-кыралаан эбэн тиэстэ мэһийэбит. Бүтэһигэр үүтү эбэбит.

 

3. Тэнитэн баран 3-5 мм халыҥнаах гына төгүрүктүү быһабыт. Тэнитэрбитигэр тиэстэбитин пергамент икки ардыгар угуохха сөп, оччоҕо бөлүөккэ туох да сыстыбат. 180 кыраадыска буһарабыт. Сакалаатынан уонна кэмпиэтинэн киэргэтэбит.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...