Саҥа дьыллааҕы бэлэхтэри хомуйар үтүө санаа ааксыйаларыгар кыттыһыҥ

Саҥа дьылы кэтэһэр аптаах, алыптаах кэмҥэ үктэннибит. Дьокуускайдааҕы библиотекалар кииннэммит ситимнэрэ, “Эрэл” норуодунай үҥкүү театра уонна “Харысхал” аһымал пуондата үтүө санаа ааксыйатыгар кыттыһарга ыҥырар!

Мындыр бэлэхтэр

Дьокуускайдааҕы библиотекалар кииннэмиит ситимнэрэ “Мындыр бэлэхтэр” (“Умные подарки”) диэн 1-11 кылаас үөрэнээччилэригэр аналаах бэлэхтэри хомуйууга ааксыйаны саҕалаата. Ахсынньы 17 күнүгэр диэри оҕону сайыннарар бэлэхтэри аҕалан туттарыаххытын сөп. Бэлэхтэри 2-ис нүөмэрдээх Өрөспүүбүлүкэтээҕи оскуола-интэринээккэ ахсынньы 18 күнүгэр илдьэн туттарыахтара.

Бэлэхтэри маннык аадырыстарынан туталлар:

1. «Встреча» библиотека, Марха мкр., Советская уул., 3

2. «Ньургуhун» библиотека,  Тулагино с., Николаев уул., 34

3. «Моя библиотека», Чернышевскай уул., д. 12/1, кв. 1

4. «Березка» библиотека, Маганский тракт 2 км, 2А

5. «Три-Д» библиотека, Хабаров уул., 27/1

6. «Теплый Дом», 50 лет Советской Армии уул., 23

7. «SMART 2..3.», Ларионов уул., 12А

Аптаах саҥа дьыл

“Эрэл” норуодунай үҥкүү театра дьиэлэригэр үөрэнэ олорор инбэлиит оҕолорго бэлэхтэри хомуйар. Ааксыйа ахсынньы 25 күнүгэр диэри ыытыллар.

Баҕалаахтар саҥа дьыллааҕы бэлэхтэри П.Алексеев уул., 49/1, 23 каб. аҕалан биэриэххитин сөп. Билсэр төл: 8914-300-34-60 (Сахаайа).

Бэлэхтэр “Харысхал” аһымал пуондатыгар мунньуллан баран, ахсынньы 25 күнүгэр оҕолорго тарҕатыллыахтара.

Былырыын “Харысхал” уонна “Аура” аһымал пуондалар 100-тэн тахса инбэлиит уонна тулаайах оҕоҕо, 70-ча доруобуйаларынан араас хааччахтаах оҕолорго бэлэхтэри тиксэрбиттэрэ.